పద్మారావునగర్,వెలుగు: దేశాభివృద్ధికి ఆటం కం కలగకుండా ఉండేందుకే కేంద్రం జమిలి ఎన్నికలకు ప్రయత్నిస్తుంటే ప్రతిపక్షాలు అనవసరంగా రాద్దాంతం చేస్తున్నాయని బీజేపీ జాతీయ ఉపాధ్యక్షురాలు, ఎంపీ డీకే అరుణ అన్నారు. బీజేపీ సభ్యత్వ నమోదు కార్యక్రమంలో భాగంగా ఆదివారం సికింద్రాబాద్ నియోజకవర్గం బౌద్ధనగర్ డివిజన్లో నిర్వహించిన సభ్యత్వ నమోదు కార్యక్రమంలో ఆమె పాల్గొన్నారు.
డివిజన్లో పర్యటించి స్థానికులకు బీజేపీ సభ్యత్వం ఇచ్చారు. అరుణ మాట్లాడుతూ.. ప్రపంచంలోనే అత్యధిక సభ్యత్వాలు కలిగిన రాజకీయ పార్టీగా బీజేపీ అవతరించిందన్నారు. స్థానిక నాయకులు సారంగపాణి, వరుణ్, సుజాత, కీర్తి, హరి, రాజేశ్వర్ రావు, హనుమంతు, అనిత, ఎస్ఆర్ హాస్పిటల్ డాక్టర్ సంజీవరెడ్డి, రాజు పాల్గొన్నారు.
