వికారాబాద్/శంషాబాద్, వెలుగు: ప్రకృతికి విరుద్ధంగా పనిచేసేటోళ్లు పంచభూతాల్లో కలిసిపోతారని మెదక్ ఎంపీ రఘనందన్ రావు, ఎమ్మెల్సీ ఏవీఎన్ రెడ్ది అన్నారు. మంగళవారం వికారాబాద్ లోని ఎన్టీఆర్ చౌరస్తాలో బీజేపీ జిల్లా అధ్యక్షుడు మాధవరెడ్డి అధ్యక్షతన సభ్యత్వ నమోదు కార్యక్రమం నిర్వహించారు. ముఖ్య అతిథులుగా వారు పాల్గొని మాట్లాడారు. గ్రామ స్థాయి నుంచి పార్లమెంటు దాకా ఎలాంటి ఎన్నికలు జరిగినా బీజేపీ ఎక్కువ స్థానాలు గెలుచుకునేలా పనిచేయాలని పిలుపునిచ్చారు. అలాగే శంషాబాద్ వైఎన్ఆర్ గార్డెన్లో మంగళవారం నిర్వహించిన పార్టీ సభ్యత్వ నమోదు కార్యక్రమంలో ఎంపీలు ఈటల రాజేందర్, కొండా విశ్వేశ్వర్ రెడ్డి, రంగారెడ్డి జిల్లా అధ్యక్షుడు నర్సింహారెడ్డి పాల్గొన్నారు.
