కుంటాల, వెలుగు: ఎన్నికల్లో తనకు ఒక్కసారి అవకాశం ఇస్తే అభివృద్ధి చేసి చూపిస్తానని బీజేపీ ముథోల్ అభ్యర్థి పవార్ రామారావ్ పటేల్ చెప్పారు. మండలంలోని అంబుగాం, మెధన్పూర్, ఓల, లింబ(బి), పెంచికల్పాడ్ గ్రామాల్లో ఇంటింటా శుక్రవారం ఎన్నికల ప్రచారం నిర్వహించారు. తనకు ఓటువేసి భారీ మెజారిటీతో గెలిపించాలని ఓటర్లను కోరారు.
బీఆర్ఎస్ ప్రభుత్వం అన్ని రంగాల్లో విఫలమైందన్నారు. మోదీ ప్రభుత్వం చేపట్టిన, సంక్షేమ పథకాలను వివరించారు. ఎమ్మెల్యే నిర్లక్ష్యంతో నియోజకవర్గంలో అభివృద్ధి కుంటుపడిందన్నారు. కార్యక్రమంలో భైంసా ఏఎంసీ చైర్మన్ రాజేశ్ బాబు, ఎంపీపీ గజ్జారాం, కట్ట రవి, అశోక్కుమార్, మోహన్, వెంగల్రావ్, నర్సయ్య, గజేందర్, ప్రభాకర్ తదితరులు పాల్గొన్నారు.
