నిర్మల్ జిల్లా బాసర ట్రిపుల్ఐటీలో ఇటీవల ఇద్దరు విద్యార్థుల ఆత్మహత్య చేసుకోవడం సంచలనం సృష్టించింది. వారి మృతి పట్ల అనుమానం వ్యక్తం చేస్తూ జూన్ 19 న జిల్లా బీజేపీ నాయకులు ట్రిపుల్ఐటీ గేట్ ముందు నిరసనలు తెలిపారు. నిరసనల్లో బీజేపీ పార్టీ మహిళా మోర్చా అధ్యక్షురాలు గీతామూర్తి పలువురు నేతలు పాల్గొన్నారు. దీంతో ఉద్రిక్త పరిస్థితులు నెలకొన్నాయి.
సమాచారం తెలుసుకున్న పోలీసులు నేతలను అరెస్ట్ చేశారు. పోలీసుల చర్యలపై గీతామూర్తి మండి పడ్డారు. విద్యార్థుల తల్లిదండ్రులకు న్యాయం చేయాలని నాయకులు నినదించారు. వరుస ఆత్మహత్యలకు కారణాలు ప్రభుత్వం తెలియజేయాలని డిమాండ్ చేశారు.
