డిచ్పల్లి, వెలుగు: రాష్ట్రంలో అధికారంలోకి వచ్చేది బీజేపీ ప్రభుత్వమేనని ఆ పార్టీ రాష్ట్ర కార్యవర్గ సభ్యుడు, నిజామాబాద్ రూరల్ఇన్చార్జ్ దినేశ్కులాచారి ధీమా వ్యక్తం చేశారు. బుధవారం నియోజకవర్గంలోని పలు గ్రామాల్లో కార్యకర్తలతో సమావేశాలు నిర్వహించారు. పార్టీ గెలుపునకు కార్యకర్తలు సమష్టిగా కృషి చేయాలన్నారు. ప్రజావ్యతిరేక పాలన కొనసాగిస్తున్న బీఆర్ఎస్కు బుద్ధి చెప్పాల్సిన అవసరం ఎంతైనా ఉందన్నారు.
మండలంలోని సుద్దపల్లికి చెందిన వివిధ పార్టీలకు చెందిన కార్యకర్తలు కులాచారి సమక్షంలో బీజేపీలో చేరారు. అసెంబ్లీ కన్వీనర్ పద్మారెడ్డి, మండలాధ్యక్షుడు వెంకటరమణ, బీజేవైఎం జిల్లా సెక్రెటరీ సతీష్ రెడ్డి, సంతోషం, గంగారం, ఆనందమ్మ, చంద్రకాంత్, సుదర్శన్రెడ్డి, భూమన్న, సాయిలు, విఠల్ రెడ్డి పాల్గొన్నారు.
