- రాహుల్ దిష్టిబొమ్మకు బీజేవైఎం శవయాత్ర
- గాంధీభవన్ వైపు నిరసన కారుల పరుగులు
- అడ్డుకున్న పోలీసులు, పలువురి అరెస్ట్
హైదరాబాద్: ప్రతిపక్ష నేత రాహుల్ గాంధీ హిందువుల మనోభావాలు దెబ్బతీసేలా పార్లమెంటులో వ్యాఖ్యలు చేయడాన్ని నిరసిస్తూ బీజేవైఎం చేపట్టిన ఆందోళనతో నాంపల్లిలో ఉద్రిక్త పరిస్థితులు నెలకొన్నాయి. బీజేపీ రాష్ట్ర కార్యాలయం నుంచి రాహుల్ దిష్టిబొమ్మకు శవయాత్ర నిర్వహించారు. ఈ క్రమంలో దిష్టిబొమ్మ దహనానికి యత్నించడంతో పోలీసులు అడ్డుకున్నారు.
ఈ క్రమంలో ఆందోళనకారులపై లాఠీలు ఝుళిపించారు. రాహుల్ గాంధీని పార్లమెంటు నుంచి సస్పెండ్ చేయాలని ఆందోళనకారులు డిమాండ్ చేశారు. బీజేపీ ఆఫీసు వద్ద నుంచి గాంధీభవన్ వైపు పరుగులు తీస్తున్న ఆందోళనకారులపై పోలీసులు లాఠీలు ఝళిపించారు. పలువురు ఆందోళనకారులను అరెస్ట్ చేసి వారిని గోశామహల్ స్టేడియానికి తరలించారు.
