కామారెడ్డి, వెలుగు: పార్టీలు, జెండాలు, లీడర్లు మారినా ప్రజల బతుకులు మాత్రం మారడం లేదని బీఎల్ఎఫ్ పార్టీ స్టేట్చైర్మన్నల్ల సూర్యప్రకాశ్అన్నారు. కామారెడ్డిలో ఆదివారం బీఎల్ఎఫ్ ఆఫీస్ను ఆయన ప్రారంభించారు. ఈ సందర్భంగా సూర్యప్రకాశ్మాట్లాడుతూ.. బహుజనులు, కార్మికులు, రైతుల అభ్యున్నతి కోసం బీఎల్ఎఫ్ అసెంబ్లీ ఎన్నికల్లో పోటీ చేస్తోందన్నారు. కార్మికుల పక్షాన పోరాడే వ్యక్తిని గెలిపించాలన్నారు.
బీఆర్ఎస్ నుంచి కేసీఆర్పోటీ చేస్తున్నారని, ఆయన్ను సామాన్యులు కలవడం కష్టమన్నారు. కామారెడ్డి బీఎల్ఎఫ్అభ్యర్థిగా సిరిగాధ సిద్ధిరాములు బరిలో ఉంటారని, ఆయన్ని గెలిపించాలని కోరారు. కామారెడ్డి డీఎస్పీ అధికార పార్టీకి తొత్తుగా వ్యవహరిస్తున్నారని ఆరోపించారు. వర్కింగ్ప్రెసిడెంట్ దండి వెంకటి, లీడర్లు సిరిగాధ సిద్ధిరాములు, ఆంజనేయులు, సాయికృష్ణ, గంగామణి, సబిత పాల్గొన్నారు.
