- ఏరియా హాస్పిటల్‌‌‌‌‌‌‌‌‌‌‌‌‌‌‌‌లో వెయ్యి గజాల స్థలం కేటాయింపు
వేములవాడ, వెలుగు: ఇండియన్ రెడ్ క్రాస్ సొసైటీ ఆధ్వర్యంలో వేములవాడలో బ్లడ్ బ్యాంక్ ఏర్పాటు కానుంది. బ్లడ్‌‌‌‌‌‌‌‌‌‌‌‌‌‌‌‌బ్యాంకు కోసం వేములవాడ ఏరియా హాస్పిటల్‌‌‌‌‌‌‌‌‌‌‌‌‌‌‌‌లో 1000 గజాల స్థలం కేటాయించారు. విప్ ఆది శ్రీనివాస్, డీఎంహెచ్‌‌‌‌‌‌‌‌‌‌‌‌‌‌‌‌వో వసంతరావు శుక్రవారం రెడ్ క్రాస్ సొసైటీ ప్రతినిధులకు స్థల కేటాయింపు పత్రాలు అందజేశారు. బ్లడ్బ్యాంక్ ఏర్పాటుతో వేములవాడ ప్రాంతంతోపాటు జిల్లా ప్రజలకు అత్యవసర సమయంలో రక్తం కావాల్సిన వారికి కష్టాలు తప్పనున్నాయి.
పేదలకు అందుబాటులో బ్లడ్ బ్యాంక్..
రాజన్నభక్తులతో పాటు సిరిసిల్ల జిల్లా ప్రజలకు అందరికీ అందుబాటులో ఉండాలనే ఉద్దేశంతో వేములవాడలో బ్లడ్ బ్యాంక్ ఏర్పాటు చేయిస్తున్నామని విప్, వేములవాడ ఎమ్మెల్యే ఆది శ్రీనివాస్ అన్నారు. ఈ సందర్భంగా ఆయన మాట్లాడుతూ రెడ్‌‌‌‌‌‌‌‌‌‌‌‌‌‌‌‌క్రాస్ సొసైటీ గౌరవ అధ్యక్షుడు, గవర్నర్చేతులమీదుగా త్వరలో భూమిపూజ చేస్తామన్నారు. బ్లడ్ బ్యాంక్ బిల్డింగ్ నిర్మాణానికి ఏరియా హాస్పిటల్‌‌‌‌‌‌‌‌‌‌‌‌‌‌‌‌లో వెయ్యి గజాల స్థలం కేటాయించామన్నారు. అనంతరం ఏరియా ఆసుపత్రిలో మైనర్ ఓటీ విభాగాన్ని రిబ్బన్ కట్ చేసి ఆయన ప్రారంభించారు.
