అధిక పని ఒత్తిడి.. ఎక్కువసేపు పని చేయలేకపోవడం.. అయినా వీటికి ఖర్చు చాలా ఎక్కువతో చాలా కంపెనీలు సతమతమవుతున్నాయి. అయితే ఇలాంటి వాటికి చెక్ పెట్టేందుకు వన్ టైం పెట్టుబడి పెట్టి.. ఉద్యోగస్తులతో పని లేకుండా రోబో వ్యవస్థను ఏర్పాటు చేసుకుంటున్నాయి. అయితే రోబోల్లో బ్యాటరీ చార్జింగ్ఉన్నంతసేపు చకాచకా పని చేసుకుంటూ పోతాయి. కాని చార్జింగ్ అయిపోయిందా సరే అవి అక్కడ ఆగిపోతాయి. అయితే ఇక అలా జరుగకుండా .. మనుషుల్లో రక్తం ప్రవహించిన విధంగా రోబోల్లో కూడా రక్తం ప్రవహించే విధంగా ఏర్పాటు చేస్తున్నారు టెక్ నిపుణులు. బ్యాటరీ చార్జింగ్ అయిపోయినప్పుడు వర్క్ ఆగకుండా.. రోబోలు బ్లడ్తో చార్జింగ్ అవుతాయి.
మనుషులకు సాధ్యం కానీ పనుల్ని రోబోలు మ నున చేస్తున్నాయ్. కానీ, మనుషులు చేసేంత సేపు మాత్రం చేయలేకపోతున్నాయి. అందుకు కారణం వాటిలో ఎనర్జీ లెవల్స్ తక్కువగా ఉండటం. అంటే బ్యాటరీ అయిపోగానే అవి పని చేయడం ఆగిపోతుందన్న మాట. అదే మనిషిలో ఐతే ప్రతీ పార్ట్ పని చేసేందుకు రక్తం సాయపడుతుంది. కానీ, రోబోలో అలాంటి వ్యవస్థ ఉండదు కదా!. కానీ, ఇక ముందు అలాంటి రక్తప్రసరణ వ్యవస్థలు రోబోల్లోనూ చూడబోతున్నాం.
అమెరికా, కార్నెల్ యూనివర్సిటీ పరిశోధకులు రీసెంట్ గా రక్తప్రసరణ వ్యవస్థలాంటి మెకానిజంతో ఓ రోబో లయన్ ఫిష్ ను తయారు చేశారు. పెన్విల్వేనియా యూనివర్సిటీ అసిస్టెంట్ ఫ్రొఫెసర్ జేమ్స్ పీకూ ఆ రోబో ఫిష్ రూపకర్త. నీళ్లలో ఎక్కువసేపు ఉండేలా దానిలో ఒక స్పెషల్ వ్యవస్థను రూపొందించారు. ఈ రోబో ఫిష్ స్ఫూర్తితోనే ఇప్పుడు హ్యుమనాయిడ్ రోబోలను తయారు చేయబోతున్నారు. ఈ ప్రయోగాలు సక్సెస్ అయితే ఎక్కువ రోజులు పని చేసే రోబోలు మన ముందుకు వస్తాయి.
ఎట్ల పని చేస్తదంటే..
రోబోలో బ్యాటరీకి అనుసంధానంగా కృత్రిమ నాళాల వ్యవస్థ ఉంటుంది. దీంట్లో రోబోకు ఎనర్జీ అందించే హైడ్రాలిక్ లిక్విడ్ను (రోబో బ్లడ్) నింపుతారు. రోబోకి ఉండే బ్యాటరీ డౌన్ అయిపోగానే.. రోబోకు బ్లడ్ ప్రవాహం ద్వారా కావాల్సిన ఎనర్జీ అందుతుంది. దాంతో రోబో పని చేయడం ఆగదు. ప్రస్తుతం ప్రయోగ దశల్లో ఉన్న ఈ పరిశోధనలు పాజిటివ్ రిజల్ట్స్ వచ్చాయని కార్నెల్ యూనివర్సిటీ అసోషిసియేట్ ఫ్రొఫెసర్ రాబ్ షెఫర్డ్ చెబుతున్నారు. సైంటిఫిక్ మెషీన్లకు, సముద్ర గర్భంలో పరిశోధనలకు, గ్రహాంతర అన్వేషణలకు ఈ బ్లడ్ రోబోలు ఉపయోగపడతాయని ఆయన అంటున్నాడు.
