ఆదిలాబాద్టౌన్/బెల్లంపల్లి, వెలుగు: నాడు పోలీసుల ప్రాణ త్యాగాల ఫలితమే ప్రస్తుత ప్రశాంత జిల్లాకు కారణమని ఆదిలాబాద్ ఎస్పీ గౌస్ ఆలం అన్నారు. అమరవీరుల సంస్మరణ వారోత్సవాల్లో భాగంగా శనివారం పోలీసుల ఆధ్వర్యంలో స్థానిక పోలీస్ హెడ్క్వార్టర్స్తో పాటు జిల్లా వ్యాప్తంగా నాలుగు చోట్ల రక్తదానం శిబిరాలు నిర్వహించారు. శిబిరాలను ఎస్పీ ప్రారంభించారు.
ఎస్పీతోపాటు ఆయన సోదరుడు డాక్టర్ జిలాని రక్తదానం చేశారు. మొత్తం 250 మంది పోలీసులు బ్లడ్ డొనేట్ చేసినట్లు చెప్పారు. ప్రజలు, పోలీసుల మధ్య సత్సంబంధాలను మెరుగుపరచుకోవడానికి ఇలాంటి కార్యక్రమాలను నిర్వహిస్తూ ఉండాలని తెలిపారు. డీఎంహెచ్వో కృష్ణ, డీఎస్పీలు ఎల్.జీవన్ రెడ్డి, బి.సురేందర్ రెడ్డి, పట్టణ సీఐలు, రిజర్వ్ ఇన్స్పెక్టర్లు, డాక్టర్లు, రిమ్స్ సిబ్బంది, ఎన్జీవో నాయకులు తదితరులు పాల్గొన్నారు.
సనాతన సాఫ్ట్వేర్ కంపెనీ ఆధ్వర్యంలో..
రక్తదానం ప్రాణదానంతో సమానమని ఇండియన్ రెడ్క్రాస్ సొసైటీ మంచిర్యాల సభ్యుడు అభినవ సంతోష్ అన్నారు. సనాతన సాఫ్ట్వేర్ కంపెనీ ఆధ్వర్యంలో శనివారం బెల్లంపల్లి పట్టణం కాల్టెక్స్లోని ఆఫీస్లో రక్తదాన శిబిరం నిర్వహించారు. 40 మంది యువకులు రక్తదానం చేసినట్లు సనాతన సీఎస్ఆర్ హెడ్ కీర్తన తెలిపారు. సంస్థ డైరెక్టర్ సాయినాథరాజు, బ్లడ్ బ్యాంక్ సిబ్బంది తదితరులు పాల్గొన్నారు.
