నిజామాబాద్, వెలుగు : బోధన్ టౌన్ సీఐ ప్రేమ్కుమార్ లీవ్లో వెళ్లారు. బదిలీ ప్రయత్నాల్లో ఉన్న ఆయన ఈ నెల 19 వరకు సెలవు తీసుకున్నారు. నిజామాబాద్ డీసీఆర్బీ ఇన్స్పెక్టర్ వీరయ్య ఆయన స్థానంలో బుధవారం బాధ్యతలు తీసుకున్నారు. అసెంబ్లీ ఎన్నికల రిజల్ట్ వచ్చిన రెండు రోజులకే చోటు చేసుకున్న పరిణామం పోలీస్ శాఖలో చర్చనీయాంశమైంది. బీఆర్ఎస్ఎమ్మెల్యేగా వ్యవహరించిన షకీల్ సిఫారసుతో వచ్చిన ప్రేమ్కుమార్ను పలు వివాదాలు చుట్టుముట్టాయి. గత సంవత్సరం పట్టణంలో శివాజీ విగ్రహం ఏర్పాటు సందర్భంగా రగులుకున్న లా అండ్అర్డర్ సమస్య మున్సిపల్ చైర్పర్సన్ తూము పద్మ భర్త శరత్రెడ్డిపై కేసుల నమోదుకు దారితీసింది.
గత జూన్ నెలలో ఎమ్మెల్యే షకీల్పై హత్యాయత్నం చేశారంటూ ముగ్గురు ఎంఐఎం లీడర్లపై కేసు నమోదు చేసి జైలుకు పంపడం రాజకీయ దుమారం లేపింది. ఎమ్మెల్యేకు అనుకూలంగా పనిచేస్తున్నారనే ఆరోపణలు సీఐ ప్రేమ్కుమార్పై వచ్చాయి. ఎన్నికల ప్రచార టైంలో ఎడపల్లి మండలంలో లాఠీఛార్జి, కౌంటింగ్ తరువాత ఎమ్మెల్యే క్యాంపు ఆఫీసులో ఫర్నిచర్ తరలింపు తదితర విషయాలు వివాదాస్పదమయ్యాయి.
ఎన్నికల్లో సుదర్శన్రెడ్డి ఎమ్మెల్యేగా గెలిచారు. ఇక్కడ పనిచేయడం వల్ల ఇబ్బంది సృష్టించే అవకాశాలున్నాయని భావించి లీవ్లో వెళ్లారు. రూరల్ఎన్నికల ప్రచార సభకు వచ్చిన టీపీసీసీ ప్రెసిడెంట్ రేవంత్రెడ్డి బోధన్ఏసీపీ కిరణ్కుమార్కు మైకులో ఓపెన్ వార్నింగ్ వచ్చారు. కాంగ్రెస్ గవర్నమెంట్ ఏర్పాటవుతున్నందున ఏసీపీ కూడా ట్రాన్స్ఫర్ ప్రయత్నాలు చేసుకుంటున్నారు.
బోధన్ : పట్టణ సీఐగా ఎస్. వీరయ్య పదవీ బాధ్యతలు చేపట్టారు. ఇక్కడ సీఐగా పనిచేసిన ప్రేమ్కుమార్ లాంగ్లీవ్లో వెళ్లడంతో నిజామాబాద్ సీసీఎస్లో పనిచేస్తున్న సీఐ వీరయ్య బదిలీపై వచ్చారు.
