వికారాబాద్ / కొడంగల్, వెలుగు: ఫార్మా కంపెనీ ఏర్పాటుపై ప్రజాభిప్రాయ సేకరణకు వెళ్లిన వికారాబాద్ జిల్లా కలెక్టర్ ప్రతీక్ జైన్ పై దాడి జరిగిన విషయం తెలిసిందే. ఈ దాడిలో కీలక నిందితుడిగా భావిస్తున్న బీఆర్ఎస్ కార్యకర్త బోగమోని సురేశ్.. పక్కా ప్లాన్ ప్రకారమే కలెక్టర్ను, ఇతర అధికారులను ప్రజాభిప్రాయ సేకరణ సభ నుంచి గ్రామానికి తీసుకెళ్లినట్లు పోలీసులు చెప్తున్నారు. గ్రామంలో కలెక్టర్ నాలుగు అడుగులు వేయగానే.. కొందరు దాడికి తెగబడ్డారని, ఇదంతా పథకం ప్రకారమే జరిగినట్లు తెలుస్తున్నదని పోలీసులు అంటున్నారు.
సురేశ్ది కీలకపాత్ర
సురేశ్ మాట మీద లగచర్లకు వెళ్లిన కలెక్టర్‌తో ఎవరూ మాట్లాడడానికి సిద్ధంగా లేకపోగా.. నినాదాలు చేస్తూ దాడి చేశారు. దీన్నిబట్టి ఈ దాడికి బీఆర్ఎస్ లీడర్సురేశ్ రెచ్చగొట్టిన మాటలే కారణమని పోలీసులు అనుమానిస్తున్నారు. కలెక్టర్ రాకముందే సురేశ్ అక్కడి గ్రామస్తులను రెచ్చగొట్టి రాళ్లు, కర్రలతో సిద్ధంగా ఉంచాడని, ముందస్తు ప్లాన్ప్రకారం అక్కడికి వచ్చిన కలెక్టర్ను, ఇతర అధికారులను తీసుకువెళ్లి దాడి చేయించినట్టు తమ ప్రాథమిక విచారణలో తేలిందని పోలీసులు ఇదివరకే ప్రకటించారు.
Also Read :- పరిగి పోలీస్ స్టేషన్‌కు భారీ పోలీసు బందోబస్తు
పట్నం నరేందర్ రెడ్డి అనుచరుడు
కలెక్టర్ను లగచర్లకు తీసుకుపోయిన బీఆర్ఎస్ కార్యకర్త సురేశ్ బీఆర్ఎస్ మాజీ ఎమ్మెల్యే పట్నం నరేందర్ రెడ్డి ప్రధాన అనుచరుడిగా తెలుస్తోంది. సురేష్.. ఆ పార్టీ వర్కింగ్ ప్రెసిడెంట్ కేటీఆర్, మాజీ ఎమ్మెల్యే పట్నం నరేందర్రెడ్డి, హరీశ్రావు, ఇతర లీడర్లను కలిసిన ఫొటోలు సోషల్ మీడియాలో వైరల్గా మారాయి. ఇప్పటికే పట్నం నరేందర్ రెడ్డి.. ఆరోపణలు ఎదుర్కొంటోన్న సురేష్ తన అనుచరుడే అని బహిరంగంగా చెప్పారు. ‘సురేశ్ మా పార్టీ కార్యకర్త. రోజూ నాకు ఫోన్లు చేస్తూ ఉంటాడు. అధికారులపై దాడి రోజు కూడా నాకు ఫోన్ చేశాడు. అతడికి అక్కడ భూమి ఉంది. ప్రజాభిప్రాయ సేకరణను బహిష్కరిస్తున్నాం అని చెప్పాడు. బహిష్కరించమని చెప్పా’ అని స్పష్టం చేశారు. దీని ఈ ఘటనలో మరికొందరి ప్రమేయం ఉన్నట్లు పోలీసులు అనుమానిస్తున్నారు.
