- ప్రమాణస్వీకారానికి హాజరైన మంత్రి కోమటిరెడ్డి
నల్గొండ అర్బన్, వెలుగు : డీసీఎంఎస్ చైర్మన్గా బోళ వెంకట్రెడ్డి ఏకగ్రీవంగా ఎన్నికయ్యారు. శనివారం జరిగిన ఎన్నికల్లో ఆయన ఒక్కరే నామినేషన్దాఖలు చేశారు. దీంతో వెంకట్రెడ్డి ఎన్నికైనట్టు డీసీవో కిరణ్కుమార్ ప్రకటించారు. కొంతకాలంగా వైస్ చైర్మన్ గా ఉన్న దుర్గంపూడి నారాయణరెడ్డి ఇన్చార్జి చైర్మన్గా బాధ్యతలు నిర్వహిస్తున్నారు. డీసీఎంఎస్ లో ఉన్న డైరెక్టర్లందరూ ప్రస్తుతం కేతపల్లి పీఏసీఎస్చైర్మన్ గా వ్యవహరిస్తున్న బోళ్ల వెంకట్ రెడ్డిని చైర్మన్గా ఎన్నుకున్నారు. పట్టణంలోని డీసీఎంఎస్ కార్యాలయంలో చైర్మన్గా వెంకట్రెడ్డి ప్రమాణస్వీకారం చేసి బాధ్యతలు స్వీకరించారు.
ఈ సందర్భంగా పలువురు డైరెక్టర్లు నూతనంగా ఎంపికైన చైర్మన్ వెంకట్ రెడ్డికి శుభాకాంక్షలు తెలిపారు. అనంతరం చైర్మన్ను మంత్రి కోమటిరెడ్డి వెంకట్రెడ్డి సన్మానించారు. కార్యక్రమంలో మున్సిపల్ చైర్మన్బుర్రి శ్రీనివాస్ రెడ్డి, వైస్ చైర్మన్ గా దుర్గంపూడి నారాయణరెడ్డి, డైరెక్టర్లు గుడిపాటి సైదులు, ధనాపత్ జయరామ్, దొంగర వెంకటేశ్వర్లు, నెల్లూరు ఉషారాణి, ఎస్.అనురాధ, కొండ సరిత, కర్నాటి లింగయ్య పాల్గొన్నారు.
