- ఆరు రోజుల ట్రీట్మెంట్ తర్వాత ఇంటికి చేరుకున్న యాక్టర్
- వారం పాటు పూర్తి బెడ్ రెస్ట్ సూచించిన డాక్టర్లు
ముంబై: బాలీవుడ్ నటుడు సైఫ్ అలీఖాన్‌ మంగళవారం ఆస్పత్రి నుంచి డిశ్చార్జ్ అయ్యారు. దుండగుడి దాడిలో తీవ్రంగా గాయపడిన ఆయన.. ఆరు రోజుల ట్రీట్మెంట్ అనంతరం ముంబైలోని లీలావతి ఆసుపత్రి నుంచి ఇంటికి చేరుకున్నారు.
డిశ్చార్జ్ సందర్భంగా సైఫ్కు డాక్టర్లు పలు సూచనలు చేశారు. ఒక వారం పాటు పూర్తి బెడ్ రెస్ట్ తీసుకోవాలని స్పష్టం చేశారు. ఇన్ఫెక్షన్ రాకుండా ఉండేందుకు కొన్ని రోజులదాకా బయటివ్యక్తులకు దూరంగా ఉండాలని చెప్పారు. ఆ తర్వాత సైఫ్ ఇంటికి బయలుదేరారు.
అయన వెంట తల్లి, నటి షర్మిలా ఠాగూర్ ఉన్నారు. సైఫ్ను చూసేందుకు ఆయన ఫ్యాన్స్ ఆసుపత్రితోపాటు బాంద్రాలోని ఇంటి వద్దకు చేరుకున్నారు. వారిని కంట్రోల్ చేసేందుకు పోలీసులు భారీగా మోహరించారు.
