వందే భారత్ రైలుకు బాంబ్ బెదిరింపు తీవ్ర కలకలం రేపింది. సికింద్రాబాద్ నాగ్ పూర్ మధ్య నడిచే వందే భారత్ ట్రైన్లో బాంబ్ ఉందని గుర్తు తెలియని వ్యక్తి పోలీసులకు కాల్ చేశాడు. దీంతో వెంటనే అప్రమత్తమైన పోలీసులు, ఆర్పీఎఫ్ అధికారులు రంగంలోకి ట్రైన్లో తనిఖీలు చేపట్టారు. బాంబ్ స్క్వాడ్, డాగ్ స్వ్కాడ్తో ట్రైన్ మొత్తం విస్తృతంగా సోదాలు చేశారు.
వందే భారత్ ట్రైన్లో ఎలాంటి బాంబ్, అనుమానస్పద పేలుడు పదార్థాలు లభించకపోవడంతో అధికారులు ఊపిరి పీల్చుకున్నారు. అనంతరం బాంబ్ బెదిరింపు కాల్ చేసిన వ్యక్తిని అదుపులోకి తీసుకున్నారు. నిందితుడి హైదరాబాద్ లోని శేరిలింగంపల్లికి చెందిన వ్యక్తిగా గుర్తించినట్లు సమాచారం. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.
