కొద్దిలో ప్రైజ్ కోల్పోయిన అవనీ దోషీ
లండన్: మన దేశ రైటర్కు ప్రతిష్టాత్మక బుకర్ ప్రైజ్ కొద్దిలో మిస్ అయింది. న్యూయార్క్కు చెందిన రైటర్ డగ్లస్ స్టువర్ట్కు ఈ ఏడాది ఆ ప్రైజ్ దక్కింది. ఆయన రాసిన ‘షగ్గీ బెయిన్’ అనే నవలకుగానూ ఈ అవార్డు వచ్చింది. ఫైనల్స్కు షార్ట్లిస్ట్ అయిన అవనీ దోషీ ‘బర్న్ట్ షుగర్’ నవలకు అవకాశం దక్కకుండా పోయింది. అవార్డు గెలుచుకున్న స్టువర్ట్కు సుమారు రూ.50 లక్షలు బహుమతిగా ఇవ్వనున్నారు. వయసు, ప్రేమ, తాగుడు ఆధారంగా ఆయన ఈ నవలను రాశారు. తాను 16 ఏళ్ల వయసులో ఉన్నప్పుడు తన తల్లి తాగుడు కారణంగా చనిపోయిందని, ఆమెకే ఈ నవలను అంకితం చేస్తున్నానని స్టువర్ట్ చెప్పారు. బుక్కులోని అంశాలన్నీ కల్పితాలే అయినా.. నిజ జీవితంలో జరిగిన ఘటనలను ఆధారంగా చేసుకుని రాశానని అన్నారు.
