పుట్టిన ప్రతి ఒక్కరికీ పోషకాలు చాలా అవసరం. అప్పుడే పుట్టిన లేదా పెరుగుతున్న చిన్నారులకు అవి మరింత ఆవశ్యకం. అందుకు వారి పోషక అవసరాలను తీర్చడానికి తల్లిపాలు చాలా అవసరం. తల్లులు ఎక్కువగా తమ పిల్లలను చూసుకోవడంలో బిజీగా ఉంటారు కాబట్టి, తమ ఆరోగ్యంపై దృష్టి సారించేందువారికి తక్కువ సమయం ఉంటుంది. అందుకు విటమిన్లు, ఖనిజాలు, అవసరమైన పోషకాలతో కూడిన డ్రై ఫ్రూట్స్, గింజలను జోడించడం ఆరోగ్యంగా ఉండటానికి సులభమైన మార్గం.
డ్రై ఫ్రూట్స్‌లో పాల ఉత్పత్తి, నాణ్యతను మెరుగుపరిచే అవసరమైన అంశాలు పుష్కలంగా ఉన్నాయని గురుగ్రామ్‌లోని ఆర్టెమిస్ హాస్పిటల్స్‌లోని క్లినికల్ న్యూట్రిషనిస్ట్ షబానా పర్వీన్ తెలిపారు. బాదంపప్పులో కాల్షియం, ప్రొటీన్లు ఉంటాయి. ఇవి ఆరోగ్యకరమైన ఎముకలను నిర్వహించడానికి, కణజాల పెరుగుదలను ప్రోత్సహించడంలో సహాయపడతాయి. వాల్‌నట్‌లలో ఒమేగా-3 కొవ్వు ఆమ్లాలు ఉంటాయి. ఇవి శిశువు మెదడు అభివృద్ధికి సహాయపడతాయి అని షబానా ప్రర్వీన్ చెప్పారు. జీడిపప్పు శక్తి స్థాయిలను పెంచుతుంది. ఐరన్, ఫైబర్‌లను సహజంగా ఉండే ఖర్జూరం.. ప్రసవానంతరం కీలక పాత్ర పోషిస్తుందన్నారు. ఎండుద్రాక్ష జీర్ణక్రియలో సహాయపడుతుంది, శక్తిని పెంచుతుందని కూడా పర్వీన్ తెలిపారు. ప్రసవానంతర కాలంలో అలసిపోయినట్లు లేదా అలసటగా అనిపించవచ్చు. కాబట్టి ఫైబర్, ఐరన్ పుష్కలంగా ఉండే వీటిని తీసుకోవడం వల్ల ప్రేగు కదలికలను నియంత్రించడంలో, మలబద్ధకాన్ని నివారించడంలో ప్రయోజనం పొందవచ్చని చెప్పారు.
పోషణ కోసం జీడిపప్పు
వీటిలో ఆరోగ్యకరమైన కొవ్వులు, ప్రోటీన్లు, జింక్, ఐరన్ పుష్కలంగా ఉన్నాయి. ఇవి ప్రసవానంతర రికవరీలో కీలక పాత్ర పోషిస్తాయి. రోజూ వారి ఆహారంలో జీడిపప్పును జోడించడం వల్ల తల్లిపాల ద్వారా బిడ్డ ఎదుగుదల, అభివృద్ధికి తోడ్పడుతుంది. అంతే కాదు తల్లులు సైతం ఫిట్‌గా, చురుకుగా ఉంచడానికి బలం, అవసరమైన పోషకాలను ఇది అందిస్తుంది.
అధిక శక్తి కోసం బాదం, ఖర్జూరం
బాదంపప్పులో కొవ్వులు, ప్రొటీన్లు, ఫైబర్, అవసరమైన విటమిన్లు ఉంటాయి. వీటిని తీసుకోవడం వల్ల శక్తి స్థాయిలు పెరుగుతాయి. తల్లి, బిడ్డ శ్రేయస్సును కూడా ఇది ప్రోత్సహిస్తుంది. వాల్‌నట్‌లలో ఉండే ఒమేగా-3 ఫ్యాటీ యాసిడ్‌లు శిశువు మెదడు అభివృద్ధికి సహాయపడతాయి.
రోగనిరోధక శక్తి కోసం ఆప్రికాట్లు
ఆప్రికాట్‌లో విటమిన్ ఎ, విటమిన్ సి, పొటాషియం, డైటరీ ఫైబర్, ఇతర ముఖ్యమైన పోషకాలు ఉంటాయి. రోగనిరోధక వ్యవస్థను మెరుగుపర్చడం, సరైన జీర్ణక్రియకు ఇది ప్రయోజనకరంగా ఉంటుంది. కాబట్టి రోజూ వారి ఆహారంలో నేరేడు పండ్లను చేర్చుకోవడం వల్ల వ్యాధుల ప్రమాదాలను నివారించవచ్చు, అంతేకాదు వీటి వల్ల శరీరానికి అవసరమైన పోషకాలు అందుతాయి, బిడ్డ కూడా ఆరోగ్యంగా ఉంటుంది.
ఐరన్ లోపాన్ని నివారించడానికి ఎండుద్రాక్ష
ఇవి శరీరంలోని రక్తహీనతను నిరోధించగల సామర్థాన్ని కలిగి ఉంటాయి. చనుబాలివ్వడం సమయంలో, తల్లులలో ఐరన్ అవసరం పెరుగుతుంది. కాబట్టి శరీరంలో ఐరన్ స్థాయిలను పెంచడానికి ఆహారంలో ఎండుద్రాక్షను అదనంగా చేర్చుకోవడం చాలా మంచిది.
మెరుగైన ఎముకల ఆరోగ్యానికి అంజీర్
వీటిలో కాల్షియం, ఐరన్, ఫైబర్ అధికంగా ఉండటం వల్ల, ఆహారంలో అత్తి పండ్లను చేర్చుకోవడం వల్ల ఎముకల ఆరోగ్యంగా ఉంటాయి, ప్రసవం తర్వాత కోలుకోవడంలోనూ సహాయపడతాయి. అవి శరీరానికి ముఖ్యమైన పోషకాలను అందిస్తాయి. ఇవి ఎంతో రుచిగా కూడా ఉంటాయి. కాబట్టి రోజూ వారి ఆహారంలో వినియోగంతో పాటు చిరుతిండిగానూ ఆస్వాదించవచ్చు.
