మహబూబ్నగర్, వెలుగు : బార్డర్లలోని చెక్ పోస్టులు అక్రమ దందాలకు అడ్డదారులుగా మారాయి. ఉమ్మడి పాలమూరు జిల్లాకు పక్కనే కర్ణాటక, ఏపీరాష్ట్రాలు ఉండడంతో అక్కడి నుంచి తెలంగాణలోకి నిషేధిత ఉత్పత్తుల అక్రమ రవాణా జరగుతోంది. అలంపూర్లోని పుల్లూరు, కృష్ణా మండలంలోని టైరోడ్ వద్ద తెలంగాణ చెక్ పోస్టులున్నా.. తనిఖీలు చేయకుండా ఉదాసీనంగా వ్యవహరిస్తున్నారనే ఆరోపణలున్నాయి. ఆర్టీవో, ఎక్సైజ్ శాఖల ఆధ్వర్యంలో ఈ రెండు రాష్ట్రాల నుంచి వస్తున్న వెహికల్స్ను, వాటి వే బిల్స్, సరుకును తనిఖీ చేయాల్సి ఉంది. ఈ రెండు డిపార్టమెంట్లలోని మూడు జిల్లాలకు చెందిన ఆఫీసర్లకు పెద్ద మొత్తంలో ముడుపులు వస్తుండడంతో అక్రమార్కులకు రెడ్ కార్పెట్ పరుస్తున్నారనే ఆరోపణలున్నాయి.
రాయచూర్ నుంచి అల్ర్పాజోలం..
మహారాష్ట్ర, కర్ణాటక రాష్ట్రాల్లో అల్ర్పాజోలంతో తయారు చేసే ట్యాబ్లెట్ల కంపెనీలున్నాయి. కొన్ని కంపెనీలకు అనుమతులు ఉండగా, మిగతావి ఇల్లీగల్గా నడుస్తున్నాయి. ఇల్లీగల్గా నడుస్తున్న కంపెనీల నుంచి ఓ మీడియేటర్ ద్వారా పాలమూరుకు చెందిన కొందరు వ్యాపారులు పెద్ద మొత్తంలో ఆల్ర్పాజోలం దిగుమతి చేసుకుంటున్నారు. ప్రతి రోజూ ఒక కారు కర్ణాటకలోని రాయచూర్ ప్రాంతం నుంచి స్టార్ట్ అయి మక్తల్ మీదుగా పాలమూరుకు 30 కిలోల అల్ర్పాజోలం తరలిస్తుందని చెబుతున్నారు. ఈ కారు పాలమూరుకు చేరుకున్నాక ఇక్కడి నుంచి ఉమ్మడి జిల్లాలోని కొన్ని ఏరియాలకు ఏజెంట్ల ద్వారా సప్లై జరుగుతున్నట్లు తెలుస్తోంది. కారు వస్తున్న మార్గంలో టై రోడ్ వద్ద ఆర్టీవో, ఎక్సైజ్ డిపార్ట్మెంట్ల ఆధ్వర్యంలో చెక్ పోస్టు ఉన్నా, ఆ కారును అడ్డుకోవడం లేదు. ఇందుకుగాను అక్రమార్కులు ఈ రెండు డిపార్ట్మెంట్లలోని కొందరికి పెద్ద మొత్తంలో ముడుపులు ఇస్తున్నారనే చర్చ నడుస్తోంది.
హైదరాబాద్ నుంచి బెంగళూర్కు..
స్మగ్లర్లు ముంబై నుంచి హైదరాబాద్కు సీహెచ్, డైజోఫాం, గంజాను దిగుమతి చేకుంటున్నారు. ఇక్కడి నుంచి వాహనాల్లో బెంగళూరుకు చేర్చుతున్నారు. ఈ క్రమంలో పుల్లూరు చెక్పోస్ట్ వద్ద తనిఖీలు చేయాల్సి ఉండగా పట్టించుకోవడం లేదు. దీనికితోడు కొన్ని హెవీ లోడ్ వెహికల్స్లో రహస్యంగా తెలంగాణ లిక్కర్ను ఏపీకి తరలిస్తున్నారు.
అక్రమార్కులకు లీడర్లు అండ..
ఉమ్మడి జిల్లాలోని గద్వాల, మహబూబ్నగర్, నారాయణపేట జిల్లాలకు చెందిన రూలింగ్ పార్టీలలోని కొందరు లీడర్లకు బెంగళూరు, రాయచూర్ ప్రాంతాల్లో వ్యాపారాలున్నాయి. కొందరు లీడర్లు ఇటీవల వారి బినామీలతో ఆ ఏరియాల్లో రియల్ ఎస్టేట్ దందాలు కూడా నిర్వహిస్తున్నారు. వీరు అక్రమ వ్యాపారులకు అండగా నిలుస్తున్నారు. ఉమ్మడి జిల్లాలో వీరి వాహనాలను ఎవరూ టచ్ చేయవద్దని ఆఫీసర్లకు ఆర్డర్లు పాస్ చేశారనే ఆరోపణలున్నాయి. వీరికి పెద్ద మొత్తంలో వాటాలు కూడా ముడుతాయనే చర్చ జరుగుతోంది.
హైదరాబాద్కు ఈజీ వే..
కర్ణాటక నుంచి ప్రతిరోజు పాలమూరు, హైదరాబాద్కు పెద్ద మొత్తంలో గంజాయి, ఆల్ర్పాజోలం, ఇతర నిషేధిత ఉత్పత్తుల రవాణా జరుగుతోందనే ప్రచారం ఉంది. అయితే, రాయచూర్ నుంచి హైదరాబాద్కు చేరుకోవడానికి బీదర్ నుంచి వెళ్లేందుకు మరో రూట్ఉంది. ఈ రూట్ మీదుగా వెళ్లాలంటే నిఘా ఎక్కువగా ఉంటుంది. దీంతో అక్రమార్కులు టై రోడ్ నుంచి పాలమూరు మీదుగా హైదరాబాద్కు వెళ్లే మార్గాన్ని ఎంచుకుంటున్నారు. దీనికితోడు ఈ ఏరియాల్లోని ఆఫీసర్లను మేనేజ్ చేయడంతో, వారి సహకారంతో ఈజీగా నిషేధిత ఉత్పత్తులను ఉమ్మడి జిల్లాను దాటించి హైదరాబాద్కు చేరుకుంటున్నారు.
టై రోడ్ దాటిన తరువాత హైదరాబాద్ వరకు ఎక్కడ చెక్ పోస్టులు లేకపోవడం వీరికి కలిసి వస్తోంది. అలాగే నిత్యం కార్లు, బైక్లు, ఆటోలు, కర్ణాటక రాష్ట్రానికి చెందిన బస్సు లు, తెలంగాణకు చెందిన బస్సుల్లో ఏజెంట్ల ద్వారా నిషేధిత ఉత్పత్తులను తరలిస్తున్నా రు. కొన్ని ప్రైవేట్ ట్రావెల్స్ బస్సుల్లోనూ నిషే ధిత ఉత్పత్తులు తరలిస్తున్నారనే టాక్ ఉంది.
