ధర్మారం, వెలుగు: తాత ట్రాక్టర్ రివర్స్ తీస్తుండగా దాని కింద పడి మనవడు చనిపోయాడు. పెద్దపల్లి జిల్లా ధర్మారం మండలం దొంగతుర్తికి చెందిన మ్యాన ప్రభాకర్ మనవడు మ్యాన వేదాన్ష్(4). ప్రభాకర్ గురువారం పొలానికి వెళ్లి ఇంటికి వచ్చాడు.
తాత వచ్చాడని పరిగెత్తుకు వెళ్లిన వేదాన్ష్ను ప్రభాకర్ గమనించలేదు. ట్రాక్టర్ రివర్స్ తీస్తుండగా వెనక టైర్ కింద పడి తీవ్రంగా గాయపడ్డాడు. గమనించిన కుటుంబసభ్యులు హాస్పిటల్‌కు తరలిస్తుండగా మార్గమధ్యలో చనిపోయాడు. వేదాన్ష్ తండ్రి ఓంకార్ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై సత్యనారాయణ తెలిపారు.
