ప్రముఖ టాలీవుడ్ హీరో మంచు విష్ణు ప్రస్తుతం కన్నప్ప అనే చిత్రంలో హీరోగా నటిస్తున్నాడు. మైథలాజికల్ బ్యాక్ డ్రాప్ లో తెరకెక్కుతున్న ఈ చిత్రంలో మోహన్ బాబు, అక్షయ్ కుమార్(బాలీవుడ్), శరత్ కుమార్, మోహన్ లాల్(మళయాళం), బ్రహ్మానందం, శివరాజ్ కుమార్(కన్నడ), సప్తగిరి, నయనతార తదితరులు ప్రధాన తారాగణంగా నటిస్తున్నారు. కాగా ఈ చిత్రాన్ని మంచు విష్ణు దాదాపుగా రూ.250 కోట్ల రూపాయల బడ్జెట్ తో తెరకెక్కిస్తున్నాడు.
అయితే తాజాగా కన్నప్ప చిత్రంలో ప్రముఖ హాస్య నటులైన బ్రహ్మానందం మరియు సప్తగిరి పాత్రల పోస్టర్ ని చిత్ర యూనిట్ సోషల్ మీడియాలో షేర్ చేసింది. అయితే ఈ పోస్టర్ లో బ్రహ్మానందం మరియు సప్తగిరి పిలక, గిలక పాత్రలో నటిస్తున్నట్లు తెలిపింది. అంతేగాకుండా వీరిద్దరూ చెట్టు చాటున దాక్కుని ఉన్నట్లు కనిపిస్తారు.
ALSO READ | ఈ వారం థియేటర్లలో సందడి చేయనున్న సినిమాలివే..
అలాగే ఈ పోస్టర్ లో "చేపకు ఈత, పులికి వేట, కోకిలకి పాట... నేర్పిన గుగ్గురువులు.. అడవికే పాఠాలు చెప్పడానికి వస్తే..." అనే డైలాగ్ ని కూడా రివీల్ చేశారు. దీంతో మళ్ళీ బ్రహ్మానందం సప్తగిరి వింటేజ్ కామెడీ ప్రేక్షకులను అలరించబోతున్నట్లు తెలుస్తోంది.
ఈ విషయం ఇలా ఉండగా ఈ చిత్రాన్ని తెలుగు, తమిళం, కన్నడ, మలయాళం, హిందీ మరియు ఇంగ్లీష్ తదితర భాషలలో విడుదల చేసేందుకు చిత్ర యూనిట్ ప్లాన్ చేస్తున్నారు. ఇప్పటికే కన్నప్ప చిత్రం దాదాపుగా 60శాతం షూటింగ్ పూర్తే చేసుకుంది. దీంతో వచ్చే ఏడాది శివరాత్రి కానుకగా ఏ చిత్రాన్ని విడుదల చెయ్యబోతుననట్లు సమాచారం.
Introducing the power-house of talent, the King of Comedy #Brahmanandam as #Pilaka & joining him is the talented @MeSapthagiri as #Gilaka; they portray the gurus of wisdom, wit & skills to teach the forests in the world of #Kannappa🏹#HarHarMahadevॐ@themohanbabu… pic.twitter.com/AEBawyB3Da
— 24 Frames Factory (@24FramesFactory) September 30, 2024