వానాకాలంలో వాటర్ పైప్ లీకేజీలు, కుళాయిల్లో కాస్త కలుషితంగా ఉండే నీళ్లు రావడం మామూలే. అందుకే ఈ సీజన్లో నీటిని డాక్టర్లు కాచి చల్లార్చి తాగాలని చెప్తుంటారు. మరి ఆ నీళ్లతో స్నానం చేయొచ్చా? అంటే వద్దనే చెప్తారు హెల్త్ ఎక్స్పర్ట్స్. వాటిని ఫిల్టర్ చేసేందుకు వాటర్సైన్స్ కంపెనీ తెచ్చిన షవర్ ఫిల్టర్ వాడితే సరి.
వాటర్సైన్స్ సీఎల్ఈవో పేరుతో షవర్ ఫిల్టర్ని మార్కెట్లోకి తెచ్చింది. షవర్ ఫాసెట్ ప్లేస్లో దీన్ని బిగిస్తే చాలు. ఇది నీళ్లలోని దుమ్ము, తుప్పు, మలినాలను ఫిల్టర్ చేస్తుంది. దానివల్ల జుట్టు, చర్మం ఆరోగ్యంగా ఉంటాయి. ఇది 60 డిగ్రీల సెల్సియస్ టెంపరేచర్ ఉండే నీళ్లను కూడా ఫిల్టర్ చేస్తుంది.
అంటే దీన్ని గీజర్ లైన్‌‌కు కనెక్ట్ చేసి వాడుకోవచ్చు. ఈ షవర్ ఫిల్టర్తో పాటే ఇన్‌‌స్టలేషన్ కిట్ కూడా వస్తుంది. దాంతో ఈజీగా ఇన్స్టాల్ చేసుకోవచ్చు. అయితే.. ఇది వాటర్ టీడీఎస్ని తగ్గించదు. నీటి హార్డ్నెస్ని మాత్రమే తగ్గిస్తుంది. ధర: 1,945 రూపాయలు
మోడెక్స్
కారులో చిన్న పార్ట్ పాడైనా.. ఖర్చు మాత్రం పెద్దగానే ఉంటుంది. అందుకే కారులో ఏదైనా పాడవ్వడానికి ముందే తెలుసుకుని రిపేర్ చేయించుకోవాలి. మరి దాన్ని ఎలా తెలుసుకోవాలి? అందుకోసం ఈ గాడ్జెట్ కావాలి. మోడెక్స్ అనే కంపెనీ దీన్ని మార్కెట్లోకి తెచ్చింది.
దీన్ని కారులో ఉండే ఓబీడీ–2 పోర్ట్కి కనెక్ట్ చేస్తే సరిపోతుంది. 2010 తర్వాత వచ్చిన దాదాపు అన్ని కార్లలో ఈ పోర్ట్ ఉంటుంది. కారుని సర్వీస్కి ఇచ్చినప్పుడు మెకానిక్లు ఈ పోర్ట్కి వాళ్ల దగ్గరుండే డయాగ్నసిస్ డివైజ్ని కనెక్ట్ చేసి ప్రాబ్లమ్స్ ఉంటే తెలుసుకుంటారు.
కానీ.. అప్పటికే సమస్య పెద్దదైతే.. కారులో పార్ట్స్ డ్యామేజ్ అయ్యే ప్రమాదం ఉంది. కానీ.. ఈ ఓబీడీ –2 డివైజ్ కనెక్ట్ చేసుకుంటే సమస్య వచ్చిన వెంటనే తెలుసుకోవచ్చు. ఈ డివైజ్ని టార్క్ లాంటి డయాగ్నస్టిక్ యాప్‌‌లతో బ్లూటూత్ ద్వారా కనెక్ట్ చేసుకోవచ్చు.
దానివల్ల కారులో సమస్య తలెత్తినప్పుడు నేరుగా ఫోన్కి నోటిఫికేషన్ వస్తుంది. ఇది ఆండ్రాయిడ్తోపాటు ఐఓఎస్కు కూడా సపోర్ట్ చేస్తుంది. దీంతో రియల్ టైం ఇంజిన్ డాటాని తెలుస్తుంది. ఇంజిన్ సమస్యలతో పాటు కూలెంట్ లెవల్, టెంపరేచర్, ఆయిల్ టెంపరేచర్, ఇంజిన్ ఆర్పీఎం, లోడ్ వ్యాల్యూ, ఓ2 రీడింగ్స్.. లాంటివన్నీ తెలుసుకోవచ్చు. ధర: 854 రూపాయలు
ప్రైస్ ట్యాగ్ గన్
చిన్న చిన్న కిరాణా షాపులు, ప్రొడక్షన్ యూనిట్లలో సరుకులకు ప్రైస్ ట్యాగ్స్ వేయాల్సి ఉంటుంది. అలాంటివాళ్లకు ఈ గాడ్జెట్ బెస్ట్ చాయిస్. సంవర్ధన్ అనే కంపెనీ దీన్ని తయారుచేసింది. పైగా దీనికి పవర్, బ్యాటరీలు కూడా అవసరం లేదు.
ప్రింట్ చేయాల్సిన నెంబర్లను ముందుగానే సెట్ చేసుకుని గన్కు ఉండే హ్యాండిల్ని నొక్కితే ప్రింట్ అయిపోతుంది. ఎనిమిది అంకెల వరకు ప్రింట్ చేసుకోవచ్చు. ఇంక్ అయిపోయినా ఈజీగా రీఫిల్ చేసుకోవచ్చు. వన్ టచ్ ఓపెనింగ్ ఇంక్ రోలర్ సిస్టమ్ ఉంటుంది. ఒక్కో లేబుల్ 22 మిల్లీమీటర్ల వెడల్పు, 12 మిల్లీమీటర్ల పొడవు ఉంటుంది.
ఈ గన్తోపాటు ప్యాక్లో 5,150 లేబుల్స్, రెండు ఇంక్ రోలర్లు కూడా వస్తాయి. ధర : 589 రూపాయలు
ట్యాలీ కౌంటర్
సాధారణంగా ఒకే పనిని ఎక్కువసార్లు చేయాల్సి వచ్చినప్పుడు ఆ పని ఎన్నిసార్లు చేశామో సరిగ్గా లెక్కపెట్టి, గుర్తుంచుకోవడం కాస్త కష్టమే. అందుకే జపం చేసేవాళ్లు చేతిలో రుద్రాక్ష మాలను పట్టుకుంటారు. ఒకసారి మంత్రం లేదా భగవంతుని నామస్మరణ పూర్తికాగానే ఒక రుద్రాక్షని విడుస్తుంటారు.
కానీ.. ఈ ట్యాలీ కౌంటర్ వాడితే ఆ పని సులభం అవుతుంది. దీన్ని ఆస్ట్రోఘర్ అనే కంపెనీ తీసుకొచ్చింది. దీనికి ఉండే బటన్‌‌ని నొక్కిన ప్రతిసారి ఎల్సీడీ డిస్ప్లే మీద నెంబర్ మారుతుంటుంది. కౌంట్ని రీసెట్ చేసుకోవడానికి మరో బటన్‌ ఉంటుంది.
ఇది ఐదు అంకెల గరిష్ట సంఖ్య వరకు కౌంట్ చేస్తుంది. ఎక్సర్సైజ్ చేసేటప్పుడు, సర్కిల్లో జాగింగ్/ వాకింగ్ లాంటివి చేసేటప్పుడు ఇది బాగా యూజ్ అవుతుంది. ఇది ఒక చిన్న బ్యాటరీతో పనిచేస్తుంది. దీనికి ఉండే బెల్ట్‌ సాయంతో వేలికి కూడా పెట్టుకోవచ్చు. ధర : 59 రూపాయలు
