- బిల్లు జనరేట్ కానివి మరో రూ. 20 కోట్లు
- రెండు నెలలుగా రాని జీతాలు
- ఏడాదిగా అందని వెహికల్స్ అలవెన్స్
యాదాద్రి, వెలుగు: ఉపాధి హామీ పథకంలో మెటీరియల్ కాంపోనెంట్ నిధులకు బ్రేక్ పడింది. ఏడాది కాలంగా ఎంబీ రికార్డ్ చేసిన దాదాపు 500 పనులకు సంబంధించిన బిల్లులు నిలిచిపోయాయి.ఉపాధి హామీ స్కీంలో మెటేరియల్ కాంపోనెంట్ కింద 40 శాతం ఫండ్స్ ఖర్చు చేసే అవకాశముంది. దీని కింద క్రీడా ప్రాంగణాలు, కొన్ని చోట్ల పంచాయతీ బిల్డింగ్లు, సీసీ రోడ్ల నిర్మాణం చేశారు. వీటితో హరితహారంలో భాగంగా జిల్లాలోని 418 నర్సరీల్లో మొక్కలకు ప్లాస్టిగ్ బ్యాగులు, 421 పంచాయతీల్లోని మొక్కలకు ట్యాంకర్లతో నీరు చల్లించడం వంటి పనులు చేశారు.
వీటికి సంబంధించిన పనులు మెటీరియల్ కాంపోనెంట్ కింద పలు గ్రామాల్లో సర్పంచ్లు , కాంట్రాక్టర్లు ఈ పనులు చేశారు. అయితే 2022–-23 ఫైనాన్షియల్ ఇయర్కు సంబంధించిన వర్క్స్ ఎంబీ రికార్డ్ చేసి బిల్లులను జనరేట్ చేశారు. గతేడాది మార్చి వరకూ వచ్చిన మెటీరియల్ కాంపోనెంట్ వర్క్స్ బిల్లులు ఆ తర్వాత రాలేదు. అయితే ఇప్పటికి ఇంకా దాదాపు 500 వర్క్స్ ఎంబీ రికార్డ్ చేసి రూ. 18.79 కోట్ల బిల్లులు అగిపోయాయి.
జనరేట్ కాని బిల్లులు మరిన్ని
బిల్లులు జనరేట్ చేసినా రాకపోగా 2023–-24 ఫైనాస్షియల్ ఇయర్కు సంబంధించిన మరో 500 వర్క్స్ వరకూ బిల్లులు రావాల్సి ఉంది. వీటికి సంబంధించి మరో రూ. 29 కోట్లు పెండింగ్ ఉన్నట్టుగా తెలుస్తోంది.
రెండు నెలలుగా జీతాలు పెండింగ్..
జిల్లాలో ఉపాధి స్కీంలో పని చేస్తున్న 417 మంది ఎంప్లాయిస్కు రెండు నెలలుగా జీతాలు రావడం లేదు. గతేడాది అక్టోబర్, నవంబర్ నెలలకు సంబంధించిన జీతాలు ఈ ఏడాది జనవరిలో వచ్చాయని స్టాఫ్ చెబుతున్నారు. డిసెంబర్, జనవరి నెలలతో పాటు ఇప్పడు ఫిబ్రవరి నెల సగానికి చేరినా.. జీతాలు రాలేదు. నెలకు రూ. కోటి చెప్పున రెండు నెలలకు రూ. 2 కోట్లు రావాల్సి ఉంది. ఇవే కాకుండా హయ్యర్ ఆఫీసర్స్కు సంబంధించిన వెహికల్స్ అలవెన్స్ ఏడాదిగా రావడం లేదంటున్నారు. ఒక్కో వెహికల్కు రూ. 33 వేల చొప్పున 12 నెలలకు సంబంధించి నలుగురు ఆఫీసర్ల వెహికల్స్కు అలవెన్స్ రాలేదు.
