హైదరాబాద్: డ్రగ్స్ కేసులో సినీ నటుడు అభిషేక్ అరెస్ట్ అయ్యాడు. తెలంగాణ యాంటీ నార్కోటిక్స్ కంట్రోల్ బ్యూరో అధికారులు ఇవాళ (సెప్టెంబర్ 26) గోవాలో అభిషేక్ను అదుపులోకి తీసుకుని హైదరాబాద్ సీసీఎస్కు తరలిస్తున్నారు. కాగా, ఎస్ఆర్ నగర్, జూబ్లీహిల్స్ పీఎస్లో డ్రగ్స్ కేసుల్లో అభిషేక్ నిందితుడిగా ఉన్నాడు. ప్రస్తుతం ఈ కేసులపై న్యాయస్థానంలో దర్యాప్తు జరుగుతుండగా.. బెయిల్ మీద బయట ఉన్న అభిషేక్ కోర్టుకు హాజరు కావడం లేదు. ఈ కేసుల తర్వాత హైదరాబాద్ నుండి పారిపోయి గోవాలో రెస్టారెంట్ నిర్వహిస్తున్నాడు. కోర్టుకు హాజరు కాకకపోవడంతో న్యాయస్థానం అరెస్ట్ వారెంట్ జారీ చేయడంతో రంగంలోకి దిగిన టీజీ న్యాబ్ పోలీసులు.. గోవాలో అభిషేక్ను అదుపులోకి తీసుకుని హైదరాబాద్కు తరలిస్తున్నారు.
ALSO READ : ఆ సన్నివేశాలు తొలగించి ఎమర్జెన్సీ విడుదల చేసుకోవచ్చు: హైకోర్టు
కాగా, అసిస్టెంట్ మహిళా కొరియోగ్రాఫర్ పై లైంగిక వేధింపులకు పాల్పడినట్లు ఆరోపణలు ఎదుర్కొంటున్న కొరియోగ్రాఫర్ జానీని కూడా తెలంగాణ పోలీసులు గోవాలోనే అదుపులోకి తీసుకోగా.. తాజాగా యాక్టర్ అభిషేక్ను కూడా గోవాలోనే అరెస్ట్ చేయడం గమనార్హం. కాగా, అభిషేక్ ‘నువ్వొస్తానంటే నేనొద్దంటానా’ సినిమాతో పాటు పలు చిత్రాల్లో యాక్టింగ్ చేశాడు.
