- రామచంద్ర అలియాస్కార్తీక్ చనిపోయినట్లు
- ప్రకటించిన పోలీసులు
భద్రాచలం, వెలుగు: అబూజ్ మఢ్లో ఈ నెల 12న జరిగిన ఎన్కౌంటర్లో ఏపీలోని గుంటూరుకు చెందిన మావోయిస్టు అగ్రనేత రామచంద్ర చనిపోయినట్టు పోలీసులు ధృవీకరించారు. ఆయన మావోయిస్ట్ పార్టీ ఒడిశా స్టేట్ కమిటీ మెంబర్గా వ్యవహరిస్తున్నట్టు తెలిపారు. చత్తీస్ గఢ్లోని నారాయణ్పూర్ జిల్లా అబూజ్మఢ్లోని రేఖవాయ అడవుల్లో జరిగిన ఎన్కౌంటర్ మృతుల వివరాలను బస్తర్ఐజీ సుందర్రాజ్శనివారం మీడియాకు వివరించారు. ఒడిశా స్టేట్ కమిటీ మెంబర్పృథ్వీ మోహన్రావు అలియాస్రామచంద్ర ( కార్తీక్, దస్రూ, దస్రన్న, నరేశ్, లక్మూ, జీవన్అన్న పేర్లతోనూ పని చేశారు) ఉన్నారు. ఈయనది ఆంధ్రప్రదేశ్లోని గుంటూరు జిల్లా పోచంపల్లి గ్రామం.
ఇంజనీరింగ్ గ్రాడ్యుయేట్అయిన రామచంద్ర..ఉమ్మడి ఆంధ్రప్రదేశ్లో అప్పటి పీపుల్స్వార్లో చేరి నల్లమల అడవుల్లో పని చేసి అక్కడి నుంచి దండకారణ్యానికి వెళ్లారు. ఇతనిపై రూ.25లక్షల రివార్డు ఉంది. మిగిలిన మృతుల మీద కూడా రివార్డ్ ఉంది. ఇంద్రావతి ఏరియా కమిటీ మెంబర్ రైనీ అలియాస్రమిలా మడకంపై రూ.5లక్షలు, సోమారి ఓయాం, గుడ్సా కుచ్చా, రైనూ పోయం, కమలేశ్ కోహ్లా, సోమారు అలియాష్ మోటూలపై రూ.2లక్షల చొప్పున రివార్డు ఉంది. వీరంతా బీజాపూర్ జిల్లా వాసులే. ఎన్కౌంటర్ ప్రదేశం నుంచి 303 రైఫిల్స్ 2, బీజీఎల్లాంచర్లు 2, 12 బోరు తుపాకులు 2, బర్మార్ తుపాకులు 2 స్వాధీనం చేసుకున్నట్లు బస్తర్ఐజీ వివరించారు.
