హైటెక్ రోజుల్లో ఇంట్లో ఏ చిన్న ఫంక్షన్ జరిగినా అందరూ దాని గురించే చర్చించుకోవాలని వింత పోకడలకు జనాలు దారితీస్తున్నారు. ప్రస్తుతరోజుల్లో వివాహ వేడుకల్లో కొత్త ప్రయోగాలు ... వింత పోకడలు.. పెరిగిపోతున్నాయి.వివాహ ఫోటోషూట్‌లో అందం కోసం విభిన్నమైన ఆలోచనలు అమలులోకి తెస్తున్నారు. ఈ కాలంలో జరిగే పెళ్లిళ్లలో హంగామా అంతా ఇంతాకాదు.. పెళ్లికి ముందే ప్రీ వెడ్డింగ్ షూట్స్.. ఆతరువాత వెడ్డింగ్ షూట్స్ సోషల్ మీడియాలో రచ్చ చేస్తున్నాయి.
తాజాగా కెనడాలో నివసించే భారతీయ దంపతులు బెంగళూరులో పెళ్లి చేసుకున్నారు. ఆ తరువాత వెడ్డింగ్ షూట్స్ చేస్తూ .. అందరూ తమ గురించి చర్చించుకోవాలని వింత పోకడలకు దారితీశారు. ఇది కాస్త.. రిసెప్షన్ జరగకుండానే.. పెళ్లి కూతరు పియా కాస్త ఆస్పత్రి బెడ్ ఎక్కాల్సి వచ్చింది. దీనికి సంబంధించిన వీడియో సోషల్ మీడియాలో వైరల్ అయింది.
కెనడాలో నివసించే భారతీయ సంతతికి చెందిన విక్కీ.. పియా దంపతులు బెంగళూరులో పెళ్లి చేసుకున్నారు. తమ పెళ్లిని అందరూ గుర్తుంచు కోవాలని పెళ్లికొడుకు.. పెళ్లి కూతురుని ఎత్తుకొని ఉండగా... బ్యాక్గ్రౌండ్ లో కలర్ బాంబ్లు పేలేలా ప్లాన్ చేశారు. ఆ ప్లాన్ ప్రకారం వాటిని బ్లాస్ట్ చేశారు. ఆ తరువాత అదికాస్త పెళ్లి కూతురు పియా వీపునకు తగలడంతో గాయమై.. ప్రస్తుతం ఆస్పత్రిలో చికిత్స పొందుతుంది. ఇంకా ఆమె జుట్టు కూడా కాలిపోయింది.
విక్కీ.. పియా నవ దంపతుల రొమాంటిక్ షూట్ కాస్త విషాదంగా మారింది. ఈ షాకింగ్ సంఘటనను విక్కీ & పియా అనే దంపతులు తమ ఇన్‌స్టాగ్రామ్ ఖాతా 'వయాపారడైజ్'లో షేర్ చేశారు. వారి వివాహ ఫోటోషూట్ లో జరిగిన ఘోర తప్పును పోస్ట్ చేశారు. ఈ వీడియోను మేము మా బిడ్డను కూడా తీసుకెళ్లబోతున్నామని క్యాప్షన్ రాశారు. ఇంకా నా పెళ్లి రోజున కాలిపోయిందని.. భావోద్వేగంగా పోస్ట్ చేశారు.
ఈ వీడియోను ఇప్పటివరకు ( వార్త రాసే సమయానికి) 54 మిలియన్ల మంది వీక్షించి కామెంట్ చేశారు. ఇది విచారకర సంఘటన అని స్పందించారు. మరొకరు మీ పెళ్లిపై చెడు కన్ను పడిందని కామెంట్ చేశారు. మరొక వినియోగదారుడు చెడు కన్ను అనేది మూఢ నమ్మకం అంటూ... సరైన సేప్టీ ప్రికాషన్స్ తీసుకోలేదని రాసుకొచ్చారు..
ఇటీవలి కాలంలో వివాహ వేడుకల్లో ఫోటోషూట్ కోసం పటాకులు, పొగ బాంబులు, ఇతర రసాయన పదార్థాలను విపరీతంగా ఉపయోగిస్తున్నారు.అయితే, సరైన భద్రతా ప్రమాణాలు లేకుండా వీటిని ఉపయోగించడం ప్రాణాంతక ప్రమాదాలకు దారితీస్తుంది.
