- కొత్తగూడెం మున్సిపాలిటీలో బీఆర్ఎస్ పాలకవర్గం నిర్వాహకం
- తమ హయాంలోనే పనులు చేశామని చెప్పుకునేందుకే హడావిడి
- ఈనెల 27తో ముగియనున్న మున్సిపల్ పాలకవర్గం పదవీకాలం
- రూ.10కోట్ల పనులకు స్పీడ్గా శిలాఫలకాల ఏర్పాటు
భద్రాద్రికొత్తగూడెం, వెలుగు : తమ హయాంలోనే అభివృద్ధి పనులు చేపట్టామని చెప్పుకునేందుకు కొత్తగూడెం మున్సిపాలిటీలోని బీఆర్ఎస్ పాలకవర్గం హడావిడిగా శంకుస్థాపనలు చేస్తోంది. ఈనెల 27తో మున్సిపల్ పాలకవర్గాల పదవీ కాలం ముగియనుంది. రూ. 10కోట్ల విలువైన డెవలప్మెంట్ వర్క్స్కు సంబంధించి టెండర్లు ఫైనల్ కాకపోయినా పనులకు శంకుస్థాపనలు చేయాలని ప్రయత్నిస్తోంది.
రెండు, మూడు రోజులుగా పనులు..
కొత్తగూడెం మున్సిపాలిటీలో బీఆర్ఎస్ కౌన్సిలర్లు మెజార్టీ స్థానాల్లో గెలిచి పాలకవర్గాన్ని ఏర్పాటు చేశారు. ఇందులో కొందరు బీఆర్ఎస్ కౌన్సిలర్లు ఇటీవల కాంగ్రెస్లో చేరారు. కానీ మున్సిపల్చైర్పర్సన్కాపు సీతాలక్ష్మి, వైస్ చైర్మన్ దామోదర్యాదవ్తో పాటు పలువురు కౌన్సిలర్లు బీఆర్ఎస్లో కొనసాగుతూ తమ హయాంలోనే అభివృద్ధి పనులు చేపట్టామని చెప్పేందుకు రెండు, మూడు రోజులుగా డెవలప్మెంట్వర్క్స్కు శంకుస్థాపనలు చేయాల్సిందేనంటూ బీఆర్ఎస్ కౌన్సిలర్లు ఆఫీసర్లపై ఒత్తిడి తెస్తున్నారు.
రూ.10కోట్ల వర్క్స్.. టెండర్లు ఫైనల్ కాకుండానే..
కొత్తగూడెం మున్సిపాలిటీలో కమ్యూనిటీ హాల్స్, సీసీ రోడ్లు, డ్రైనేజీల నిర్మాణాలకు గానూ రూ. 10కోట్ల విలువైన అభివృద్ధి పనులకు ఇటీవల ఆఫీసర్లు టెండర్లు పిలిచారు. 18వ తేదీతో టెండర్లు దాఖలు చేసుకునేందుకు గడువు ముగిసింది. 20నఓపెన్ చేయాల్సి ఉంది.
టెండర్లు పరిశీలించి ఆఫీసర్లు ఫైనల్ చేస్తారు. తర్వాత టెండర్ దక్కించుకున్న కాంట్రాక్టర్తో ఆఫీసర్లు అగ్రిమెంట్ చేసుకోవాల్సి ఉంది. అగ్రిమెంట్ అయిన తర్వాతనే కాంట్రాక్టర్లు పనులు చేపట్టాల్సి ఉంది. కానీ ఇవన్నీ లేకుండా, టెండర్లు అధికారికంగా ఫైనల్కాకుండానే మున్సిపాలిటీల్లో గత రెండు రోజులు అభివృద్ధి పనులకు పాలకులు శంకుస్థాపన చేస్తున్నారు. టెండర్లు ఫైనల్ కాకుండా శంకుస్థాపనలు చేసే ఈ పనులకు ఆఫీసర్లు అటెండ్అవుతుండడం గమనార్హం. మరో వైపు అసెంబ్లీ ఎన్నికలకు ముందు పలు పనులకు హడావుడిగా శంకుస్థాపన చేయగా, అవి ముందుకు సాగలేదు.
