కొత్త రేషన్కార్డులు ఇవ్వకుండా స్కీమ్లకు లింక్ ఎందుకు?
కేంద్రంలో మరోసారి బీజేపీ ప్రభుత్వం
కామారెడ్డి ఎమ్మెల్యే కాటిపల్లి వెంకటరమణారెడ్డి
కామారెడ్డి టౌన్, వెలుగు: మేడిగడ్డ పేరిట బీఆర్ఎస్, కాంగ్రెస్ డ్రామా ఆడుతున్నాయని కామారెడ్డి ఎమ్మెల్యే కాటిపల్లి వెంకటరమణారెడ్డి విమర్శించారు. బీజేపీ చేపట్టిన విజయ సంకల్ప యాత్రలో భాగంగా శుక్రవారం రాత్రి కామారెడ్డిలో సభ నిర్వహించారు. అంతకు ముందు కామారెడ్డి మండలం గర్గుల్ నుంచి జిల్లా కేంద్రం వరకు భారీ బైక్ ర్యాలీ నిర్వహించారు. అనంతరం జేపీఎన్ చౌరస్తాలో ఏర్పాటు చేసిన సభలో వెంకటరమణారెడ్డి మాట్లాడుతూ.. షరతులు లేకుండా 6 గ్యారంటీలను అమలు చేయాలని డిమాండ్ చేశారు. గత ప్రభుత్వం పదేండ్లలో ఏ ఒక్కరికీ రేషన్ కార్డు ఇవ్వలేదన్నారు.
ప్రస్తుత ప్రభుత్వం కొత్త రేషన్ కార్డులు ఇవ్వకుండానే రేషన్కార్డు తప్పనిసరి అని లంకె పెడుతోందన్నారు. ముందు రేషన్ కార్డులు ఇచ్చిన తర్వాత పథకాలు అమలు చేయాలన్నారు. దేశంలో ప్రజలందరికీ కేంద్ర ప్రభుత్వ పథకాలు అందుతున్నాయన్నారు. కేంద్రంలో మరోసారి బీజేపీ ప్రభుత్వం ఏర్పడడం ఖాయమన్నారు. 400 సీట్లకు పైగా గెలుస్తామని ధీమా వ్యక్తం చేశారు. కామారెడ్డిలో బీజేపీని గెలిపించినట్లుగానే వచ్చే పార్లమెంట్ ఎన్నికల్లో జహీరాబాద్ ఎంపీ అభ్యర్థిని కూడా గెలిపించాలన్నారు. కామారెడ్డి ప్రజలకు తానిచ్చిన హామీలను నెరవేరుస్తానన్నారు. పార్టీ జిల్లా ప్రెసిడెంట్అరుణతార మాట్లాడుతూ.. ప్రధాని నరేంద్రమోదీ ప్రవేశ పెట్టిన స్కీమ్లు అన్ని వర్గాలకు మేలు చేస్తున్నాయన్నారు.
ఎంపీ ఎన్నికల్లో పార్టీ గెలుపు కోసం ప్రతిఒక్కరూ కృషి చేయాలన్నారు. పార్టీ ఓబీసీ మోర్చా స్టేట్ ప్రెసిడెంట్ ఆలే భాస్కర్, లీడర్లు బద్ధం మహిపాల్రెడ్డి, పైడి ఎల్లారెడ్డి, వడ్డేపల్లి సుభాష్రెడ్డి, జైపాల్రెడ్డిలతో పాటు స్థానిక లీడర్లు పాల్గొన్నారు. అంతకు ముందు ఎల్లారెడ్డి నియోజకవర్గంలోనూ విజయ సంకల్ప యాత్ర సాగింది. ఎల్లారెడ్లి, లింగంపేట, గాంధారి, సదాశివ్నగర్, రామారెడ్డి మండల కేంద్రాల మీదుగా కామారెడ్డికి చేరుకుంది.
