హైదరాబాద్: బీఆర్ఎస్ ఏపీ అధ్యక్షుడు తోట చంద్రశేఖర్‌పై కేసు నమోదు అయ్యింది. చంద్రశేఖర్ రూ.29 కోట్ల రూపాయలు తీసుకుని మోసం చేశాడని తిరుమలరావు అనే వ్యక్తి హైదరాబాద్ సీసీఎస్లో ఫిర్యాదు చేశాడు. డబ్బులు తిరిగి ఇవ్వాలని అడిగితే బౌన్సర్లతో దాడి చేయించాడని ఫిర్యాదులో పేర్కొన్నాడు. తిరమలరావు కంప్లైంట్ మేరకు సీసీఎస్ పోలీసులు చంద్రశేఖర్‌పై వివిధ సెక్షన్ల కింద కేసు నమోదు చేశారు.
కాగా, జాతీయ రాజకీయాల్లో చక్రం తిప్పాలని భావించిన కేసీఆర్ టీఆర్ఎస్ పేరును బీఆర్ఎస్గా మార్చిన విషయం తెలిసిందే. నేషనల్ పాలిటిక్స్లో భాగంగా బీఆర్ఎస్ పార్టీని వివిధ రాష్ట్రాల్లో విస్తరించేందుకు కేసీఆర్ ప్రయత్నాలు చేశారు. ఇందులో భాగంగానే తెలంగాణ పొరుగు రాష్ట్రమైన ఆంధ్రప్రదేశ్లో బీఆర్ఎస్ విస్తరణపై ఫోకస్ పెట్టిన కేసీఆర్.. తోట చంద్రశేఖర్ను పార్టీలో చేర్చుకుని ఆయనకు ఆంధ్రప్రదేశ్ బీఆర్ఎస్ పార్టీ పగ్గాలు అప్పజెప్పారు. అయితే, జాతీయ రాజకీయాల్లో చక్రం తిప్పాలని భావించిన కేసీఆర్ సొంత రాష్ట్రంలోనే భారీ ఎదురుదెబ్బ తగిలింది. గత ఏడాది నవంబర్లో జరిగిన తెలంగాణ అసెంబ్లీ ఎన్నికల్లో బీఆర్ఎస్ పార్టీ ఓటమి పాలైంది. సొంత రాష్ట్రంలోనే షాక్ తగలడంతో బీఆర్ఎస్ పార్టీ విస్తరణ, కేసీఆర్ నేషనల్ పాలిటిక్స్కి బ్రేక్లు పడ్డాయి.
