- ఇప్పటికే జిల్లాలోని మూడు చోట్ల కేసీఆర్ సభలు
- కామారెడ్డిలో కాంగ్రెస్ పార్టీ బీసీ డిక్లరేషన్
- బీజేపీ క్యాండిడేట్ల నామినేషన్లకు వచ్చిన కేంద్రమంత్రులు
కామారెడ్డి, వెలుగు: అసెంబ్లీ ఎన్నికల ప్రచారం రోజురోజుకు హోరెత్తుతుంది. కామారెడ్డి జిల్లాలోని నాలుగు సెగ్మెంట్లలో తమ అభ్యర్థులను గెలిపించుకోడానికి ఆయా పార్టీల బడా నేతలు ప్రచారానికి రానున్నారు. ఇప్పటికే బీఆర్ఎస్ అధినేత తాను పోటీ చేస్తున్న కామారెడ్డితో పాటు మరో రెండు చోట్ల జరిగిన బహిరంగసభల్లో పాల్గొన్నారు. కాంగ్రెస్ పార్టీ తరఫున రేవంత్రెడ్డి కామారెడ్డిలో నామినేషన్ వేశారు. అనంతరం ఇక్కడే బీసీ డిక్లరేషన్ సభ నిర్వహించారు. కర్నాటక సీఎం సిద్ధరామయ్యతో పాటు ఇతర ముఖ్య నేతలు వచ్చారు. బీజేపీ తరఫున కామారెడ్డిలో నిర్వహించిన కార్యకర్తల మీటింగ్కు ఆ పార్టీ స్టేట్చీఫ్, కేంద్ర మంత్రి కిషన్రెడ్డి హాజరయ్యారు. పార్టీ అభ్యర్థుల నామినేషన్లకు కేంద్ర మంత్రులు వచ్చారు. త్వరలోనే అభ్యర్థుల తరఫున ప్రధాన పార్టీల అగ్ర నేతలు ప్రచారానికి రానున్నారు.
బీఆర్ఎస్.. రోడ్షోలు..
బీఆర్ఎస్ జిల్లాలోని కామారెడ్డి, జుక్కల్, బాన్సువాడలో ప్రజా ఆశీర్వాద సభలు నిర్వహించింది. ఈ సభల్లో సీఎం కేసీఆర్ పాల్గొన్నారు.ఈ నెల15న ఎల్లారెడ్డి లోనూ సభ నిర్వహించనున్నారు. ఈ సభకు కేసీఆర్హాజరై బీఆర్ఎస్ అభ్యర్థి జాజాల సురేందర్కు మద్దతుగా నిలవాలని కోరనున్నారు. కామారెడ్డిలో కేసీఆర్పోటీ చేస్తున్న నేపథ్యంలో ఆయన తనయుడు కేటీఆర్నియోజకవర్గంలోని కామారెడ్డి, మాచారెడ్డి, భిక్కనూరు, దోమకొండల్లో ఏర్పాటు చేసిన సభల్లో పాల్గొన్నారు. త్వరలోనే ఆయన మళ్లీ జిల్లాలో ప్రచారానికి రానున్నారు. జిల్లా కేంద్రం కామారెడ్డిలో రోడ్షో నిర్వహించనున్నారు. ఈ ప్రోగ్రామ్కు మంత్రి హరీశ్రావు కూడా వస్తారని పార్టీ వర్గాలు చెబుతున్నాయి. జుక్కల్, బాన్సువాడ, ఎల్లారెడ్డి నియోజకవర్గాల్లోనూ కేటీఆర్, హరీశ్రావు రోడ్షోలు ఉంటాయని ఆ పార్టీ నేతలు వెల్లడించాయి.
బీజేపీ.. కామారెడ్డిలో భారీ బహిరంగ సభ
బీజేపీ అభ్యర్థుల తరఫున ప్రచారం చేసేందుకు ఆ పార్టీ అగ్రనేతలు జిల్లాకు రానున్నారు. ఇటీవల కామారెడ్డిలో నిర్వహించిన మీటింగ్కు కేంద్ర మంత్రి కిషన్రెడ్డి వచ్చారు. బీజేపీ క్యాండిడేట్ల నామినేషన్ల దాఖలుకు కేంద్రమంత్రులు పరుషోత్తం రూపాలా, అర్జున్ముండా వచ్చారు. జుక్కల్ అభ్యర్థి అరుణతార నామినేషన్ సందర్భంగా ఆ పార్టీ జాతీయ వైస్ప్రెసిడెంట్ డీకే అరుణ హాజరయ్యారు. త్వరలోనే బీజేపీ పాలిత రాష్ట్రాల సీఎంలు, ఎంపీ బండి సంజయ్ ప్రచారానికి రానున్నారు. కామారెడ్డిపై ఆ పార్టీ ప్రత్యేకంగా ఫోకస్ చేసిన నేపథ్యంలో ఇక్కడ భారీ బహిరంగ సభ ఏర్పాటు చేసే అవకాశముంది.
ALSO READ : వరంగల్‍: 76 నామినేషన్లు రిజక్ట్‌
కాంగ్రెస్ తరఫున ఢిల్లీపెద్దలు..
కాంగ్రెస్పార్టీ తరఫున ప్రచారం చేయడానికి ఆ పార్టీ అగ్రనేతలు జిల్లాకు రానున్నారు. ఇప్పటికే కామారెడ్డిలో బీసీ డిక్లరేషన్ సభ నిర్వహించారు. ఈ కార్యక్రమానికి కర్నాటక సీఎం సిద్ధరామయ్య, స్టేట్ ముఖ్య నేతలు, సీపీఐ నేతలు నారాయణ, చాడ వెంకట్రెడ్డి, తెలంగాణ జన సమితి చీఫ్ ప్రొఫెసర్ కోదండరాం హాజరయ్యారు. మంగళవారం ఉమ్మడి మాచారెడ్డి మండలంలోని నాలుగు గ్రామాల్లో నిర్వహించే ప్రచారంలో రేవంత్రెడ్డి, షబ్బీర్అలీ పాల్గొంటారు. బుధవారం పొద్దున పార్టీ కార్యకర్తల మీటింగ్ కు రేవంత్రెడ్డి హాజరవుతారు.ఎల్లారెడ్డి, జుక్కల్, బాన్సువాడ, కామారెడ్డి నియోజకవర్గాల్లో ప్రచారం నిర్వహించడానికి రాహుల్గాంధీ, ప్రియాంకాగాంధీ, మల్లికార్జున్ ఖర్గే, ఇతర ముఖ్య నేతలు వస్తారని కాంగ్రెస్వర్గాలు తెలిపాయి. ఒక్కో నియోజకవర్గంలో ఒక్కో ముఖ్య నేతతో సభ ఏర్పాటు చేయనున్నారు.
