నవీపేట్, వెలుగు: బీజేపీ ప్రకటించిన మేనిఫెస్టోతో బీఆర్ఎస్, కాంగ్రెస్ పార్టీల మైండ్ బ్లాంక్ అయిందని బోధన్ బీజేపీ అభ్యర్థి వడ్డీ మోహన్ రెడ్డి పేర్కొన్నారు. గురువారం ఆయన మండలంలోని నందిగామ, అల్జాపూర్, యంచ, మిట్టాపూర్, ఎల్ కె ఫారం, ఫతే నగర్ లో ఎన్నికల ప్రచారం నిర్వహించారు.
ఈ సందర్భంగా మోహన్రెడ్డి మాట్లాడుతూ.. వరికి రూ. 3100 మద్దతు ధర, పిక్స్ డ్ డిపాజిట్ లాంటి హామీలు సమాజంలోని అట్టడుగు స్థాయి ప్రజలకు మేలు చేకూరుస్తాయన్నారు. ప్రధాని మోదీ నాయకత్వంలోనే అభివృద్ధి సాధ్యమని, రాష్ట్రంలో ఏర్పడేది డబుల్ఇంజిన్సర్కారేనన్నారు. బీజేపీ రాష్ట్ర కార్యవర్గ సభ్యులు మేడపాటి ప్రకాశ్రెడ్డి, పార్టీ మండలాధ్యక్షులు సరిన్, ప్రధాన కార్యదర్శి ఆనంద్, మల్లెపూల గంగాధర్ పాల్గొన్నారు.
