గత BRS సర్కార్ సాగు చేయని భూములకు రైతుబంధు నగదు వేసింది. సాగు చేయని భూములకు రైతుబంధు ఇవ్వడంతో ప్రభుత్వానికి మరింత భారం పడింది. ఇందుకు సంబంధించిన లెక్కను ప్రభుత్వం విడుదల చేసింది.
2019-20లో 68.93 లక్షల ఎకరాలకు రైతుబంధు ఇచ్చింది. ఇందుకోసం 3 వేల 446.04 కోట్లు చెల్లించింది. అలాగే 2020-21లో 88.80 లక్షల ఎకరాలకు 4 వేల 425.29 కోట్ల రైతుబంధు నిధులు ఖాతాల్లో జమ చేసింది. ఇక 2021-2022 సంవత్సరానికి 82.61 లక్షల ఎకరాలకు 4 వేల 130.69 కోట్లు రిలీజ్ చేసింది. 2022-23 ఏడాదికి గానూ 88.12 లక్షల ఎకరాల సాగు చేయని భూమికి 4 వేల 406.02 కోట్ల రైతుబంధు చెల్లించింది.
ఇక 2023-24లో అత్యధికంగా 97.51 లక్షల ఎకరాలకు 4 వేల 875.62 కోట్లు రైతుబంధు ఇచ్చింది. మొత్తం ఆరేళ్లలో 21 వేల 283.66 కోట్ల ప్రభుత్వ ధనాన్ని వృథా చేసింది BRS. సాగు చేయని ఈ భూముల్లో ఎక్కువగా గుట్టలు, పుట్టలు, పాడుబడిన భూములు ఎక్కువగా ఉన్నట్లు ప్రభుత్వం వెల్లడించింది.
