ధర్పల్లి, వెలుగు: ప్రజల సమస్యలను పరిష్కరించడంలో బీఆర్ఎస్ ఎప్పుడూ ముందుంటుదని టీఎస్ఆర్టీసీ చైర్మన్, నిజామాబాద్ రూరల్ఎమ్మెల్యే బాజిరెడ్డి గోవర్ధన్ పేర్కొన్నారు. సోమవారం ధర్పల్లి మండలకేంద్రంలోని మున్నూరుకాపు కల్యాణ మండపంలో నిర్వహించిన పార్టీ ఆత్మీయ సమ్మేళనంలో ఆయన పాల్గొని మాట్లాడారు.
కల్యాణలక్ష్మి, షాదీ ముబారక్, డబుల్బెడ్రూం ఇళ్లు, ఉచిత కరెంట్, రైతుబంధు లాంటి పథకాలతో ముఖ్యమంత్రి కేసీఆర్ ప్రజల గుండెల్లో సుస్థిర స్థానం సంపాదించారన్నారు. కార్యక్రమంలో ఎమ్మెల్సీ వీజీ గౌడ్, ఐడీసీ ఎంఎస్చైర్మన్ సాంబరీ మోహన్, జడ్పీటీసీ జగన్, ఎంపీపీ సారిక హన్మంత్రెడ్డి, వైస్ఎంపీపీ నవీన్రెడ్డి పాల్గొన్నారు.
