- రంగారెడ్డి జిల్లాలో ఘటన
- సోషల్ మీడియాలో వీడియో హల్చల్
- ఎయిర్గన్గా తేల్చిన పోలీసులు
ఇబ్రహీంపట్నం, వెలుగు : బీఆర్ఎస్ లీడర్, భువనగిరి ఎంపీగా పోటీ చేసిన క్యామ మల్లేశ్ రంగారెడ్డి జిల్లా ఇబ్రహీంపట్నం మండలం మంగళ్పల్లిలో గన్తో గాల్లోకి కాల్పులు జరిపారు. దసరా సందర్భంగా సొంత గ్రామం శేరిగూడ సమీపంలోని మంగళ్పల్లిలోని తన వ్యవసాయ భూమిలో కుటుంబసభ్యులతో కలిసి ఆయుధ పూజ చేశారు. ఆ తర్వాత గన్తో గాల్లోకి ఒక రౌండ్ కాల్పులు జరిపారు. ఈ వీడియో సోషల్ మీడియాలో వైరల్గా మారింది.
పోలీసుల దాకా వెళ్లడంతో గన్కు సంబంధించిన పేపర్లను తెప్పించుకుని పరిశీలించారు. చివరకు అది ఎయిర్గన్ అని, ప్రాక్టీస్ కోసం తెచ్చుకున్నాడని సీఐ సత్యనారాయణ తెలిపారు. రెండేండ్ల కింద ఇబ్రహీంపట్నం పీఎస్ పరిధిలోని శేరిగూడలో దసరా పండుగ సందర్భంగా ఓ బీఆర్ఎస్ లీడర్ గన్ తో గాల్లోకి కాల్పులు జరపడంతో పోలీసులు కేసు నమోదు చేశారు.
