- అక్రమంగా నిర్మించి ఉంటే కూల్చెయ్: మాజీ మంత్రి సబితారెడ్డి
చేవెళ్ల, వెలుగు: తన కొడుకులకు మూడు ఫాంహౌస్లు ఉన్నాయని ఆరోపించిన సీఎం రేవంత్రెడ్డి.. అవి ఎక్కడున్నాయో చూపించాలని మాజీ మంత్రి సబితారెడ్డి సవాల్విసిరారు. నిజంగా ఫాం హౌస్లు ఉండి.. అవి అక్రమంగా నిర్మించుకున్నట్టయితే కూల్చేసుకోవాలని సూచించారు. శుక్రవారం రంగారెడ్డి జిల్లా చేవెళ్ల మండల పరిధిలోని కౌకుంట్లలో ఆమె మీడియాతో మాట్లాడారు.
‘‘హరీశ్రావు ఫాంహౌస్కూల్చాల్నా.. వద్దా, కేటీఆర్ ది కూల్చాల్నా.. వద్దా, సబితమ్మది కూల్చాల్నా.. వద్దా, కేవీపీది కూల్చాల్నా.. వద్దా అంటున్నవ్.. నిన్ను ఎవరు వద్దంటున్నరు. నేనే చెప్పిన అక్కడ మా అబ్బాయి ఇల్లు కడుతున్నడని. డీవియేషన్ఉంటే చెప్పాలె. అది ఇల్లు.. ఫాంహౌస్ కాదు. ఎంక్వైరీ చేయండి. ఆక్రమణలో ఉంటే కూల్చండి’ అని సబిత అన్నారు. రేవంత్రెడ్డి డైవర్షన్పాలిటిక్స్ చేస్తున్నాడన్నారు. మూసీ ప్రక్షాళనతో చాలా మంది పేదలు రోడ్డున పడుతున్నారన్నారు. బీఆర్ఎస్లీడర్కార్తీక్ రెడ్డి మాట్లాడుతూ.. చేవెళ్ల–హైదరాబాద్ నేషనల్హైవే రోడ్డు పనులు ప్రారంభించకపోతే ఉద్యమిస్తామన్నారు. ఆ తర్వాత సబితా రెడ్డి భర్త ఇంద్రారెడ్డి జయంతి సందర్భంగా గ్రామంలోని ఆయన సమాధి వద్ద నివాళులర్పించారు.
