- సీఈఓకు దాసోజు శ్రవణ్ ఫిర్యాదు
హైదరాబాద్, వెలుగు: బీజేపీ అదిలాబాద్ ఎంపీ అభ్యర్థి నగేశ్పై బీఆర్ఎస్ లీడర్లు సీఈఓ వికాస్ రాజ్కు ఫిర్యాదు చేశారు. ఎన్నికల అఫిడవిట్లో పూర్తి వివరాలు ఇవ్వలేదని ఆర్వోకు ఫిర్యాదు చేస్తే పట్టించుకోలేదని తెలిపారు. బీజేపీ అభ్యర్థి నామినేషన్ రిజెక్ట్ చేసి రిటర్నింగ్ అధికారిపై చర్యలు తీసుకోవాలని సీఈఓను కోరినట్లు దాసోజు శ్రవణ్ మీడియాకు వెల్లడించారు. ఎన్నికల కమిషన్ బీజేపీకి అనుకూలంగా పనిచేస్తోందని ఆరోపించారు. నామినేషన్ తిరస్కరించడానికి అన్ని ఆధారాలు చూపినా రిటర్నింగ్ అధికారి స్పందించలేదన్నారు. రాష్ట్రంలో ఎన్నికల అధికారులు సైతం బీజేపీకి సహకరిస్తున్నారని శ్రవణ్ ఆరోపించారు.
