కాళేశ్వరం వల్లే తెలంగాణ వరిసాగు పెరింగిందని బీఆర్ఎస్ నాయకులు చేసిన తప్పుడు ప్రచారం పటాపంచలైందని సీఎం రేవంత్ రెడ్డి ట్వీట్ చేశారు. ఈ ఏడాది తెలంగాణాలో వరి సాగు ఎక్కువుగా ఉందంటూ.. సన్న వడ్లకు బోనస్ కూడా ఇస్తున్నామన్నారు. కాళేశ్వరం ప్రాజెక్ట్ తో సంబంధం లేకుండానే వరిసాగు పెరిగిందన్నారు. మేడిగడ్డ కుంగిపోవడంతో నీళ్లు నిల్వ చేసే పరిస్థితి లేదని సీఎం రేవంత్ తెలిపారు.
ఎన్డీఎస్ఏ సూచనల మేరకు అన్నారం... సుందిళ్లలో కూడా నీటిని నిల్వ చేయలేదన్నారు. కాళేశ్వరంతో సంబంధం లేకుండా తెలంగాణ ఆవిర్భావం తరువాత తొలిసారి రికార్డు స్థాయిలో వరిధాన్యం పండిందన్నారు.
Also Read : లగచర్ల దాడి ప్రధాన నిందితుడు సురేష్ ఎక్కడ..
తెలంగాణ రైతులు వరిధాన్యాన్ని అధికంగా పండించి ఎంతో ఘనత సాధించారని సీఎం రేవంత్ రైతులను కొనియాడారు. వారి శ్రమకు తగిన ఫలితాన్ని ప్రభుత్వం అందిస్తుందన్నారు. కాంగ్రెస్ ప్రభుత్వంలో తెలంగాణ రైతు.. దేశానికే గర్వకారణమయ్యాడంటూ... ఈ ఘనత సాధించిన రైతుసోదరులను సీఎం రేవంత్రెడ్డి అభినందించారు.
