- బూతులు తిట్టుకున్న బీఆర్ఎస్ నేతలు
- నాగర్ కర్నూల్ జిల్లా వెల్దండ మండలంలో ఘటన
వెల్దండ(నాగర్ కర్నూల్), వెలుగు : ఎన్నికల ముందు అధికార బీఆర్ఎస్లో లుకలుకలు బయటపడుతున్నాయి. బుధవారం వెల్దండ మండల కేంద్రంలో నిర్వహించిన బీఆర్ఎస్ కార్యకర్తల సమ్మేళనంలో వెల్దండ సర్పంచ్, మండల పార్టీ అధ్యక్షుడు యెన్నం భూపతిరెడ్డి, మాజీ వైస్ఎంపీపీ వెంకటయ్య గౌడ్ మధ్య మాటమాట పెరిగి ఎమ్మెల్యే జైపాల్ యాదవ్ సమక్షంలో బూతులు తిట్టుకున్నారు.ఈ టైంలో గొడవపడడం సరికాదని ఎమ్మెల్యే ఇద్దరికీ సర్ది చెప్పారు.
మాజీ వైస్ఎంపీపీ వెంకటయ్య గౌడ్ మాట్లాడుతూ.. పార్టీలో కార్యకర్తలకు గుర్తింపు, గౌరవం లేదన్నారు. దీనిపై స్పందించిన మండల పార్టీ అధ్యక్షుడు భూపతిరెడ్డి.. జైలుకు వెళ్లివచ్చిన వాళ్లు, ప్రభుత్వ స్కీములు రానివారు ప్రతిదానికి ఎమ్మెల్యేను బాధ్యుడిని చేయడం కరెక్టుకాదన్నారు. తీవ్ర ఆగ్రహానికి గురైన వెంకటయ్య.. ‘‘గతంలో నీవు కూడా జైలుకు వెళ్లినవాడివే కదా?’’ అని ప్రశ్నించారు. దీంతో ఇద్దరి మధ్య వాగ్వాదం జరగడంతో ఎమ్మెల్యే అసహనానికి గురయ్యారు. తాను అందరికీ అందుబాటులో ఉండే ఎమ్మెల్యేనని, ఇప్పుడు విమర్శలు చేయడం సరికాదన్నారు
