- పదవి నుంచి తప్పించేందుకు మెజార్టీ సభ్యుల ప్రయత్నాలు
- ఇప్పటికే రెండు చోట్ల సీక్రెట్గా సమావేశమైన సొంత పార్టీ జడ్పీటీసీలు
- కేసీఆర్తో బంధుత్వం కారణంగా ఇన్నాళ్లు సభ్యులను ఖాతరు చేయని విఠల్రావు
- గులాబీ పార్టీలో అసమ్మతి సెగ
నిజామాబాద్, వెలుగు: జడ్పీ చైర్మన్ దాదన్నగారి విఠల్రావును ఆ పదవి నుంచి తప్పించేందుకు సొంత బీఆర్ఎస్ పార్టీ జడ్పీటీసీ సభ్యులు పావులు కదుపుతున్నారు. ఏండ్ల నుంచి ఆయన మీద ఉన్న అసంతృప్తిని ఇన్నాళ్లు కంట్రోల్చేసుకున్న వారు, ఇక ఆగేలా కనిపించడం లేదు. పార్టీ చీఫ్ కేసీఆర్తో ఉన్న చుట్టరికంతో పెత్తనం చెలాయించి, తమ ఉనికిని ప్రశ్నార్థకం చేసిన చైర్మన్ను కుర్చీ దింపాలని భావిస్తున్నారు. రాష్ట్రంలో గవర్నమెంట్ మారినందున ఇదే అదునుగా భావించి అవిశ్వాసం పెట్టేందుకు పావులు కదుపుతున్నారు. జిల్లా పరిషత్ పదవీకాలం మరో ఐదు నెలల్లో ముగిస్తున్నప్పటికీ చైర్మన్పై పంతం నెగ్గించుకోవాలని యోచిస్తున్నారు.
ఇక తగ్గేదేలే..
చైర్మన్ విఠల్రావు తీరుపై సభ్యులు తీవ్ర అసంతృప్తిలో ఉన్నారు. తమను అసలు గౌరవించడం లేదని, పెత్తనం భరించలేకపోతున్నామంటూ జడ్పీటీసీలు పలుమార్లు ఎమ్మెల్సీ కవిత, బీఆర్ఎస్ హయాంలో జిల్లా మంత్రిగా ఉన్న ప్రశాంత్రెడ్డికి పలుమార్లు ఫిర్యాదు చేశారు. ఆర్మూర్, బోధన్ మాజీ ఎమ్మెల్యేలు జీవన్రెడ్డి, షకీల్తో విఠల్రావుకు అసలు గిట్టేదికాదు. విఠల్రావుకు, ఆర్మూర్ మాజీ ఎమ్మెల్యే జీవన్రెడ్డికి చాలాసార్లు మాటల యుద్ధం జరిగింది. తన కొడుకు బాజిరెడ్డి జగన్కు దక్కాల్సిన చైర్మన్ పదవిని లాక్కున్నారని అప్పటి రూరల్ఎమ్మెల్యే బాజిరెడ్డి గోవర్దన్కు సైతం విఠల్రావు అంటే పడేది కాదు.
2023, అక్టోబర్లో జడ్పీ జనరల్బాడీ మీటింగ్కు సభ్యులంతా మూకుమ్మడిగా గైర్హాజరై అవిశ్వాస సంకేతాలు ఇచ్చారు. ఆయన్ను తప్పించాల్సిందేనని ఎమ్మెల్సీ కవితను పట్టుబట్టారు. అసెంబ్లీ ఎలక్షన్ టైమ్లో అవిశ్వాస రాజకీయాలు వద్దని ఆమె నచ్చజెప్పడంతో మెత్తబడ్డారు. ఇప్పుడు గవర్నమెంట్ మారడంతో చైర్మన్ విఠల్రావుకు అండగా ఉండే పెద్ద మనుషులు లేనందున పదవి నుంచి దింపడానికి రంగం సిద్ధం చేశారు.
బోధన్, బాల్కొండ లీడర్ల కీ రోల్
విఠల్రావుపై అవిశ్వాస తీర్మానం ప్రవేశపెట్టే విషయమై బీఆర్ఎస్ జడ్పీటీసీలు ఇప్పటికే ఆర్మూర్, నిజామాబాద్లో సీక్రెట్గా మీటింగ్ నిర్వహించుకున్నట్లు సమాచారం. బోధన్, బాల్కొండ సెగ్మెంట్లీడర్లు విఠల్రావుకు యాంటీగా కీ రోల్ పోషిస్తున్నారు. ఆయన్ను తప్పిస్తే మిగిలిన ఐదు నెలల కోసం కొత్త చైర్మన్ఎన్నిక జరపరని, ఇన్చార్జి చైర్పర్సన్గా తానే ఉండొచ్చని వైస్ చైర్పర్సన్ రజిత ఆశగా ఉన్నారు.
ఏకగ్రీవంగా ఎన్నికై.. చైర్మన్గా
2019, మేలో జడ్పీటీసీ, ఎంపీటీసీ ఎన్నికలు జరిగాయి. జిల్లాలో అప్పడు 27 మండలాలు ఉండగా బీఆర్ఎస్ 22, కాంగ్రెస్, బీజేపీలు రెండు జడ్పీటీసీలు గెలిచాయి. మాక్లూర్మండలం నుంచి విఠల్రావు ఒక్కరే ఏకగ్రీవంగా ఎన్నికయ్యారు. పార్టీ అధినేత కేసీఆర్ భార్య శోభ తరఫు బంధువైన విఠల్రావు గత గవర్నమెంట్ హయాంలో జిల్లాలో తనదైన పెత్తనం చెలాయించే వారు. ప్లాన్ప్రకారం చైర్మన్ పదవిని ఓసీ జనరల్కు రిజర్వ్ చేయించుకొని పదవిలో కూర్చున్నారు.
దీంతో ఆ పదవిని ఆశించిన ధర్పల్లి బాజిరెడ్డి జగన్, బోధన్ జడ్పీటీసీ లక్ష్మీబాయికి భంగపాటు తప్పలేదు. పైసా ఖర్చులేకుండా జడ్పీటీసీ ఎన్నికై, చైర్మన్కుర్చీ సొంతం చేసుకున్న విఠల్రావుపై మొదటి నుంచి చాలా మంది సభ్యుల్లో గుస్సా ఉంది. పైగా సభ్యులను గౌరవించని అతని తీరును ఇంతకాలం భరిస్తూ వస్తున్నారు.
