నిజాంసాగర్ (ఎల్లారెడ్డి), వెలుగు: నిజాంసాగర్మండలంలోని మల్లూర్లో సోమవారం బీఆర్ఎస్లీడర్లకు నిరసన సెగ తగిలింది. గ్రామంలో పలు అభివృద్ధి పనులు ప్రారంభించేందుకు ఎమ్మెల్యే హన్మంత్షిండ్ వస్తుండగా, ఆయన కంటే ముందే బీఆర్ఎస్కు చెందిన పలువురు ఎంపీపీలు, జడ్పీటీసీలు మల్లూరుకు వచ్చారు. గత ఎన్నికల సమయంలో ఎమ్మెల్యే గ్రామాన్ని దత్తత తీసుకొని ఎలాంటి అభివృద్ధి చేయలేదని గ్రామస్తులు మండిపడ్డారు. రెండేండ్ల కిందే గ్రామంలో ఆరోగ్య కేంద్రం బిల్డింగ్ నిర్మాణం పూర్తయినా, ప్రారంభించేందుకు ఎమ్మెల్యేకు ఇప్పటివరకు టైమ్ దొరకలేదా అని ప్రశ్నించారు.
దీంతో బీఆర్ఎస్ లీడర్లు, గ్రామస్తులకు మధ్య వాగ్వాదం జరిగింది. ఉద్రిక్త పరిస్థితులు నెలకొనడంతో పోలీసులు కలగజేసుకొని గొడవను సద్దుమణిగించారు. అనంతరం ఎమ్మెల్యే పలు అభివృద్ధి పనులను ప్రారంభించారు. ఈ సందర్భంగా ఏర్పాటు చేసిన సమావేశంలో ఎమ్మెల్యే మాట్లాడుతూ సీఎం కేసీఆర్ జుక్కల్నియోజకవర్గ అభివృద్ధికి కోరిక వెంటనే నిధులు మంజూరు చేస్తున్నారన్నారు. కార్యక్రమంలో జడ్పీ మాజీ చైర్మన్ దఫేదర్ రాజు, ఎంపీపీ పట్లోళ్ల జ్యోతి, వైస్ ఎంపీపీ మనోహర్ పాల్గొన్నారు.
