- పవర్‌‌‌‌‌‌‌‌‌‌‌‌‌‌‌‌లో ఉండగా పట్టించుకోని లీడర్లు.. ఇప్పుడు అండగా ఉంటామని హామీ
- గతంలో ఆందోళన చేసిన రైతులను అరెస్ట్‌ చేసి, బేడీలు వేసిన బీఆర్‌‌‌‌‌‌‌‌‌‌‌‌‌‌‌‌ఎస్‌
- ల్యాండ్‌ వాల్యూ పెంచే ప్రయత్నాల్లో కాంగ్రెస్‌
- క్రెడిట్‌ దక్కించుకునేందుకు బీఆర్‌‌‌‌‌‌‌‌‌‌‌‌‌‌‌‌ఎస్‌ లీడర్ల ప్లాన్‌
యాదాద్రి, వెలుగు : రీజినల్‌ రింగ్ రోడ్డు (ట్రిపుల్‌ ఆర్‌) ఉత్తర భాగంపై బీఆర్‌‌‌‌‌‌‌‌‌‌‌‌‌‌‌‌ఎస్‌ యూ టర్న్ తీసుకుంది. అధికారంలో ఉండగా ట్రిపుల్‌ ఆర్‌ బాధితులను కనీసం పలకరించకపోగా, రైతులకు సంకెళ్లు వేయించిన ఆ పార్టీ లీడర్లు.. ఇప్పుడు పవర్‌ మారడంతో రూట్‌ మార్చుకున్నారు. ట్రిపుల్‌ ఆర్‌ అలైన్‌‌‌‌‌‌‌‌‌‌‌‌‌‌‌‌మెంట్‌ మార్చాలంటూ, పరిహారం పెంచాలంటూ డిమాండ్ చేస్తూ బాధితులకు మద్దతు పలుకుతున్నారు.
రైతులను అరెస్ట్‌ చేయించిన బీఆర్‌‌‌‌‌‌‌‌‌‌‌‌‌‌‌‌ఎస్‌
భారత్‌ మాల పరియోజన ఫేజ్‌ 1లో భాగంగా రీజినల్‌ రింగ్ రోడ్డు ఉత్తర భాగం యాదాద్రి జిల్లా మీదుగా 59.33 కిలోమీటర్లు నిర్మాణం కానుంది. ఇందుకు 1,927 ఎకరాల భూమిని సేకరించాల్సి ఉండగా, ఇందుకోసం కోన్ని చోట్ల సర్వే సాగుతోంది. ట్రిపుల్‌ ఆర్‌‌‌‌‌‌‌‌‌‌‌‌‌‌‌‌లో యాదాద్రి జిల్లా రాయగిరి రైతుల భూములు పోతుండడంతో అలైన్‌‌‌‌‌‌‌‌‌‌‌‌‌‌‌‌మెంట్‌ మార్చాలంటూ నాలుగేండ్లుగా ఆందోళన చేస్తున్నారు. 2022, 2023లో రోడ్లను దిగ్భంధించినప్పటికీ అప్పటి బీఆర్‌‌‌‌‌‌‌‌‌‌‌‌‌‌‌‌ఎస్‌ సర్కార్‌ కనీసం పట్టించుకోలేదు. వారి డిమాండ్లు ఏమిటో కూడా తెలుసుకునే ప్రయత్నం చేయకపోగా రైతులను అరెస్ట్‌ కూడా చేయించింది.
గతేడాది మే 30న అప్పటి మంత్రి గుంటకండ్ల జగదీశ్‌‌‌‌‌‌‌‌‌‌‌‌‌‌‌‌రెడ్డి యాదాద్రి కలెక్టరేట్‌‌‌‌‌‌‌‌‌‌‌‌‌‌‌‌కు వచ్చిన విషయం తెలుసుకున్న ట్రిపుల్‌‌‌‌‌‌‌‌‌‌‌‌‌‌‌‌ఆర్‌ బాధితులు కలెక్టరేట్‌ మెయిన్‌ గేట్‌ ఎదుట ఆందోళనకి దిగారు. మంత్రి వెళ్లిపోతున్న టైంలో ఆయనను అడ్డుకునే ప్రయత్నం చేయగా పరిస్థితి ఉద్రిక్తంగా మారింది. దీంతో పోలీసులను రైతులను అరెస్ట్‌ చేసి పలు స్టేషన్లకు తరలించారు. అదే రోజు రాత్రి గడ్డమీది మల్లేశ్‌, పల్లెర్ల యాదగిరి, అవిశెట్టి నిఖిల్, మల్లెబోయిన బాలుపై పలు సెక్షన్ల కింద కేసులు నమోదు చేసి అర్ధరాత్రి టైంలో జ్యుడీషియల్‌ రిమాండ్‌‌‌‌‌‌‌‌‌‌‌‌‌‌‌‌కు తరలించారు.
బీజేపీ స్టేట్‌ లీడర్‌ గూడూరు నారాయణరెడ్డి, కాంగ్రెస్‌ నాయకుడు తంగెళ్లపల్లి రవికుమార్‌‌‌‌‌‌‌‌‌‌‌‌‌‌‌‌పై కూడా కేసు నమోదు అయింది. అనంతరం బెయిల్‌ కోసం నలుగురు రైతులకు బేడీలు వేసి భువనగిరి కోర్టుకు తీసుకొని రావడం రాష్ట్రవ్యాప్తంగా సంచలనం కలిగించింది. ఈ ఘటనలపై అప్పటి బీఆర్‌‌‌‌‌‌‌‌‌‌‌‌‌‌‌‌ఎస్‌ లీడర్లు ఎవరూ, ఎక్కడా స్పందించలేదు. పైగా అరెస్ట్‌ అయిన వారు అసలు రైతులే కాదని పోలీసులతో చెప్పించేందుకు ప్రయత్నాలు కూడా చేశారు.
భూమి విలువ పెంచే ప్లాన్‌‌‌‌‌‌‌‌‌‌‌‌‌‌‌‌లో కాంగ్రెస్‌
కాంగ్రెస్‌ అధికారంలోకి రాగానే ట్రిపుల్‌ ఆర్‌‌‌‌‌‌‌‌‌‌‌‌‌‌‌‌పై స్పీడ్‌ పెంచింది. గత బీఆర్‌‌‌‌‌‌‌‌‌‌‌‌‌‌‌‌ఎస్‌ ప్రభుత్వంలో రూపొందించిన అలైన్‌‌‌‌‌‌‌‌‌‌‌‌‌‌‌‌మెంట్‌‌‌‌‌‌‌‌‌‌‌‌‌‌‌‌కు అనుగుణంగానే చర్యలు ప్రారంభించింది. చౌటుప్పల్‌ నుంచి సంగారెడ్డి వైపునకు దక్షిణ భాగం ట్రిపుల్‌‌‌‌‌‌‌‌‌‌‌‌‌‌‌‌ఆర్‌ అలైన్‌‌‌‌‌‌‌‌‌‌‌‌‌‌‌‌మెంట్‌ రూపొందించే ప్రయత్నాలు చేస్తోంది. ఇందులో భాగంగానే చౌటుప్పల్‌ వద్ద గతంలోనే జంక్షన్‌ ఏర్పాటు చేసేందుకు రూపొందించిన ప్లాన్‌‌‌‌‌‌‌‌‌‌‌‌‌‌‌‌కు కొనసాగింపుగా భూ సేకరణను పెంచాలని నిర్ణయం తీసుకుంది. అదేవిధంగా ట్రిపుల్‌ ఆర్‌ కారణంగా భూములు కోల్పోతున్న రైతులకు మంచి పరిహారం అందేలా చూడాలని సీఎం రేవంత్ ఆదేశించిన సంగతి తెలిసిందే.
దీంతో రిజిస్ట్రేషన్ వ్యాల్యూ పెంపుపై కసరత్తు నిర్వహించిన ఆఫీసర్లు ప్రపోజల్స్‌ రెడీ చేశారు. రూరల్ప్రాంతాల్లో వ్యవసాయ భూమి, ప్లాట్‌ ఉన్న ఏరియా బట్టి 60 నుంచి 80 శాతం, అర్బన్ ఏరియాల్లో 80 శాతం లేదా ఎకరానికి రూ. 10 లక్షల వరకూ పెంచాలని ప్రతిపాదనలు రూపొందించి నేషనల్‌ హైవే అథారిటీకి పంపించారు. భువనగిరి పరిధిలోని భూముల రిజిస్ట్రేషన్ విలువను వంద నుంచి 120 శాతానికి పెంచాలని ప్రపోజల్స్‌ రూపొందించినప్పటికీ.. స్టే కారణంగా నేషనల్‌ హైవే అథారిటీకి పంపలేదని సమాచారం.
ఇప్పటికే పంపిన ప్రపోజల్స్‌‌‌‌‌‌‌‌‌‌‌‌‌‌‌‌ను నేషనల్‌ హైవే అథారిటీ యథావిధిగా ఓకే చేసినా, కొద్దిపాటి మార్పులు చేర్పులు చేసినా వ్యాల్యూ మాత్రం కచ్చితంగా పెరిగే అవకాశం ఉంది. రిజిస్ట్రేషన్ వ్యాల్యూ పెరిగిన తర్వాత ఖరారు చేసిన రేటు ప్రకారం రూరల్ ఏరియాలో మూడు రెట్లు, అర్బన్ ఏరియాలో రెండు రెట్లు అవార్డు అందిస్తారు.
అండగా ఉంటామంటూ ఆందోళనకు మద్దతు
ల్యాండ్‌‌‌‌‌‌‌‌‌‌‌‌‌‌‌‌వ్యాల్యూ పెంచేందుకు కాంగ్రెస్‌ ప్రభుత్వం ప్రయత్నాలు చేస్తుండడంతో దానిని తమ అకౌంట్లో వేసుకునేందుకు బీఆర్‌‌‌‌‌‌‌‌‌‌‌‌‌‌‌‌ఎస్‌ ప్రయత్నాలు మొదలుపెట్టింది. ఇందులో భాగంగా పవర్‌‌‌‌‌‌‌‌‌‌‌‌‌‌‌‌లో ఉండగా రైతులను పట్టించుకోని బీఆర్‌‌‌‌‌‌‌‌‌‌‌‌‌‌‌‌ఎస్‌ ఇప్పుడూ యూ టర్న్తీసుకుంది. చౌటుప్పల్‌‌‌‌‌‌‌‌‌‌‌‌‌‌‌‌లో ట్రిపుల్‌ ఆర్‌‌‌‌‌‌‌‌‌‌‌‌‌‌‌‌లో భాగంగా నిర్మించే జంక్షన్‌ అలైన్‌‌‌‌‌‌‌‌‌‌‌‌‌‌‌‌మెంట్‌ మార్చాలని, పరిహారం పెంచి ఇవ్వాలని డిమాండ్ చేస్తోంది. ఇటీవల చౌటుప్పల్‌ ఆర్డీవో ఆఫీస్‌, యాదాద్రి కలెక్టరేట్‌ ఎదుట బాధితులు నిర్వహించిన ఆందోళనకు మునుగోడు మాజీ ఎమ్మెల్యే ప్రభాకర్‌‌‌‌‌‌‌‌‌‌‌‌‌‌‌‌రెడ్డి మద్దతు పలికారు.
ప్రజల అవసరాల కోసం ప్రభుత్వాలు చేపట్టే రీజినల్‌ రింగ్ రోడ్డుకు తాము వ్యతిరేకం కాదని, అదే సందర్భంలో భూములు కోల్పోతున్న రైతులకు భూమికి బదులు భూమి గానీ, మార్కెట్ ధర ప్రకారం పరిహారం చెల్లించాలని డిమాండ్ చేశారు. కాగా ఇటీవల చౌటుప్పల్‌‌‌‌‌‌‌‌‌‌‌‌‌‌‌‌కు చెందిన పలువురు రైతులు మాజీమంత్రి హరీశ్‌‌‌‌‌‌‌‌‌‌‌‌‌‌‌‌రావును కలువగా అండగా ఉంటామని ఆయన హామీ ఇచ్చారు. అధికారంలో ఉండగా పట్టించుకోని బీఆర్‌‌‌‌‌‌‌‌‌‌‌‌‌‌‌‌ఎస్‌... ఇప్పుడు ట్రిపుల్‌ ఆర్‌ బాధితుల పక్షాన మాట్లాడుతుండడంతో పలువురు ఆశ్చర్యం వ్యక్తం చేస్తున్నారు.
