- కాంగ్రెస్ గ్యారంటీ గారడీని ప్రజలు నమ్మలేదు
- మహారాష్ట్ర ఎన్నికల ఫలితాలపై హరీశ్ రావు
హైదరాబాద్, వెలుగు: మహారాష్ట్రలో ఐదు గ్యారంటీల పేరిట కాంగ్రెస్చేసిన మాటల గారడీని ప్రజలు నమ్మలేదని బీఆర్ఎస్ఎమ్మెల్యే హరీశ్ రావు అన్నారు. రాష్ట్రంలో కాంగ్రెస్ మోసాలను గమనించిన మహారాష్ట్ర ప్రజలు తగిన గుణపాఠం చెప్పారని శనివారం ఆయన ట్వీట్ చేశారు. తెలంగాణలో మహిళలకు రూ.2,500 ఇస్తామన్న మహాలక్ష్మి పథకం అమలు చేయకుండా మహారాష్ట్రలో రూ.3,000 ఇస్తామనడం, రైతు భరోసా ఎగ్గొట్టడం, ఆసారా దోకా, రైతు రుణమాఫీ ఏడాది గడుస్తున్నా పూర్తి చేయకపోవడం వంటివి మహారాష్ట్రలో తీవ్ర ప్రభావం చూపించాయన్నారు.
ముంబై, షోలాపూర్, పుణె, నాందేడ్వంటి ప్రాంతాల్లో తెలంగాణ ప్రజలు అత్యధికంగా నివసిస్తుండడంతో కాంగ్రెస్ మోసాలను గుర్తించగలిగారని తెలిపారు. జేఎంఎం నేత హేమంత్సోరెన్పై బీజేపీ పెట్టిన అక్రమ కేసులు, అరెస్టులు, పార్టీని చీల్చే ప్రయత్నాలను జార్ఖండ్ప్రజలు తిప్పికొట్టారన్నారు.
