హైదరాబాద్, వెలుగు: హోంగార్డు లకు నెల దాటి 12 రోజులవుతున్నా సర్కారు జీతాలు ఇవ్వకపోవడం సిగ్గుచేటని బీఆర్ఎస్ ఎమ్మెల్యే హరీశ్ రావు విమర్శించారు. 16 వేల మందికిపైగా హోంగార్డులు చిన్న జీతాలపైనే బతుకుతున్నారని, జీతాలు రాక చిల్లిగవ్వలేక ఇబ్బం దులు పడుతున్నారని బుధవారం ఆయన ట్వీట్ చేశారు. ‘‘ఇంటి అద్దె, పిల్లల స్కూలు ఫీజులు, రోజు వారీ ఖర్చులకు అప్పులు చెయ్యాల్సిన దుస్థితి.
ఈఎంఐలు చెల్లించకపోవడం వల్ల బ్యాంకు అధికారులు ఫోన్లు చేసి నిలదీస్తున్న పరిస్థితి. కాంగ్రెస్ అధికారంలోకి వచ్చినప్పటి నుంచి ప్రతి నెలా ఇలాగే జరుగుతున్నా పట్టించుకునేటోళ్లు లేరు. మాటలు కోటలు దాటితే, చేత లు గడప దాటని సీఎం రేవంత్ రెడ్డి దానికి ఏం సమాధానం చెబుతారు? పథకాల్లో కోతలు, జీతాలు చెల్లించ కుండా ఉద్యోగులకు వాతలు పెడుతున్నారు. ఇది ప్రజా పాలన కాదు, ప్రజా వ్యతిరేక పాలన. హోంగార్డులకు వెంటనే జీతాలు చెల్లించాలి’’ అని హరీశ్ రావు డిమాండ్ చేశారు.
