దేవరకొండ, వెలుగు : ప్రజలకు ఇచ్చిన హామీలను అమలు చేయడంలో కాంగ్రెస్ ప్రభుత్వం విఫలమైందని మాజీ మంత్రి, ఎమ్మెల్యే జగదీశ్వర్ రెడ్డి అన్నారు. గురువారం మాజీ ఎమ్మెల్యే రవీంద్రకుమార్ తో కలిసి దేవరకొండలోని మహాత్మాగాంధీ విగ్రహానికి పూలమాల వేసి నివాళులర్పించి వినతిపత్రం అందజేశారు. ఈ సందర్భంగా ఆయన మాట్లాడుతూ డిక్లరేషన్, ఆరు గ్యారంటీల పేరుతో కాంగ్రెస్ హామీలు ఇచ్చి.. అధికారంలోకి వచ్చాక మరిచిపోయిందని విమర్శించారు.
సంక్షేమ పథకాలకు ఆంక్షలు విధిస్తూ లబ్ధిదారులను తగ్గించే కుట్ర చేస్తుందని ఆరోపించారు. ఇప్పటికైనా ప్రభుత్వం ఇచ్చిన హామీలను అమలు చేయాలని కోరారు. కార్యక్రమంలో బీఆర్ఎస్ నాయకులు, కార్యకర్తలు పాల్గొన్నారు.
