హైదరాబాద్, వెలుగు: హైదరాబాద్ మెట్రోపై కేసీఆర్ ప్రభుత్వంలో తీసుకున్న నిర్ణయాన్నే సీఎం రేవంత్ రెడ్డి అమలు చేశారని బీఆర్ఎస్ ఎమ్మెల్యే కేపీ వివేకానంద తెలిపారు. గురువారం ఆయన తెలంగాణ భవన్లో మరో ఎమ్మెల్యే మర్రి రాజశేఖర్ రెడ్డితో కలిసి మీడియాతో మాట్లాడారు. అసెంబ్లీ ఎన్నికలకు ముందే అప్పటి కేసీఆర్ప్రభుత్వం మెట్రో మూడోదశ విస్తరణపై కన్సల్టెంట్నూ నియమించిందని, కానీ, రేవంత్ అధికారంలోకి రాగానే కేసీఆర్ ఆనవాళ్లు చెరిపేయాలన్న ఉద్దేశంతో మెట్రో విస్తరణ ప్రాజెక్టును రద్దు చేశారని విమర్శించారు. ఏడాది పాలనలో రేవంత్ తీసుకున్న నిర్ణయాలన్ని తిరోగమన చర్యలేనని మండిపడ్డారు. ఏడాది నుంచి శామీర్ పేట, మేడ్చల్ వరకు మెట్రోపై సీఎం రేవంత్ రెడ్డి మీనమేషాలు లెక్కించారని చెప్పారు.
