- మహిళలకు సీఎం సారీ చెప్పాలని నినాదాలు
హైదరాబాద్, వెలుగు: బీఆర్ఎస్ ఎమ్మెల్యేలు గురువారం నల్లబ్యాడ్జీలు ధరించి శాసనసభ సమావేశాలకు అటెండ్ అయ్యారు. పోడియం వద్దకు వెళ్లి సీఎం డౌన్ డౌన్ అంటూ నినాదాలు చేశారు. మహిళా ఎమ్మెల్యేలు సబితా ఇంద్రారెడ్డి, సునీతా లక్ష్మారెడ్డిని సీఎం రేవంత్రెడ్డి అవమానించారని ఆరోపిస్తూ వాయిదా తీర్మానం ఇచ్చారు.
వారికి సీఎం వెంటనే క్షమాపణ చెప్పాలని..సభలో సబితకు మాట్లాడే చాన్స్ ఇవ్వాలని డిమాండ్ చేస్తూ నేలపై కూర్చొని నిరసన తెలిపారు. బీజేపీ పక్షనేత మాట్లాడే సమయంలో బడే భాయ్చోటే భాయ్ అంటూ నినాదాలు చేశారు. ఉదయం 10.25గంటల నుంచి రెండు గంటల పాటు సభలో గంధరగోళం సృష్టించే ప్రయత్నం చేశారు. దాంతో బీఆర్ఎస్ సభ్యులపై స్పీకర్ ప్రసాద్కుమార్ మండిపడ్డారు.
పోడియం నుంచి కేటాయించిన ప్లేస్లోకి పోతేనే మైక్ఇస్తానని తేల్చి చెప్పారు. అయినా బీఆర్ఎస్సభ్యులు నిరసన ఆపలేదు. ఎస్సీ వర్గీకరణపై సీఎం ప్రకటన తరువాత.. బీఆర్ఎస్ సభ్యుడు హరీశ్రావుకు స్పీకర్మాట్లాడే అవకాశం కల్పించారు. ఆయన ఎస్సీ వర్గీకరణపై మాట్లాడగానే కొందరు బీఆర్ఎస్ సభ్యులు సభ నుంచి వెళ్లిపోయారు. ఆ తరువాత మహిళా సభ్యులు వారి స్థానాల్లో నిలబడి సభ వాయిదా పడే వరకు నిరసన కొనసాగించారు.
