సికింద్రాబాద్/పంజాగుట్ట/ఓయూ, వెలుగు: హైదరాబాద్, మేడ్చల్–మల్కాజిగిరి, రంగారెడ్డి, వికారాబాద్ జిల్లాల్లో శుక్రవారం బీఆర్ఎస్పార్టీ దీక్షా దివస్కార్యక్రమాన్ని ఘనంగా నిర్వహించింది. బేగంపేటలోని పాటిగడ్డ నుంచి తెలంగాణ భవన్ వరకు భారీ బైక్ ర్యాలీ నిర్వహించారు. దీన్ని సనత్ నగర్ ఎమ్మెల్యే తలసాని శ్రీనివాస్ యాదవ్ ప్రారంభించి బైక్నడిపారు. బీఆర్ఎస్యువ నాయకుడు తలసాని సాయి కిరణ్ యాదవ్, బీఆర్ఎస్ లీడర్లు శ్రీనివాస్ గౌడ్, అత్తిలి శ్రీనివాస్ గౌడ్, హన్మంతరావు, పార్టీ శ్రేణులు పాల్గొన్నారు.
పంజాగుట్టలోని నిమ్స్దవాఖానలో మాజీ స్పీకర్ సిరికొండ మధుసూదనాచారి, మాజీ మంత్రులు తలసాని శ్రీనివాస్యాదవ్, పొన్నాల లక్ష్మయ్య, ఎమ్మెల్యేలు మాగంటి గోపీనాథ్, కాలేరు వెంకటేశ్ పేషెంట్లకు పండ్లు పంపిణీ చేశారు. మాజీ ఎమ్మెల్యే విష్ణువర్ధన్రెడ్డి బీఆర్ఎస్ లీడర్లు విప్లవ కుమార్, రాజీవ్సాగర్, కార్పొరేటర్దేదీప్య ఉన్నారు. ఓయూ ఆర్ట్స్కాలేజీ వద్ద నిర్వహించిన కార్యక్రమంలో బీఆర్ఎస్వీ రాష్ట్ర అధ్యక్షుడు గెల్లు శ్రీనివాస్ యాదవ్, రాష్ట్ర ఉపాధ్యక్షుడు తుంగ బాలు, తొట్ల స్వామి, కడారి స్వామి తదితరులు పాల్గొన్నారు.
