వేములవాడ రూరల్, వెలుగు: బీఆర్ఎస్ సర్కార్‌‌కు సాగునీటి దినోత్సవం నిర్వహించే అర్హత లేదని డీసీసీ అధ్యక్షుడు ఆది శ్రీనివాస్ ఆరోపించారు. బుధవారం కాంగ్రెస్ ఆధ్వర్యంలో వేములవాడ రూరల్ మండలం చెక్కపల్లి నుంచి మర్రిపల్లి గ్రామం వరకు బైక్ ర్యాలీ నిర్వహించారు. ఈ సందర్భంగా ఆయన మాట్లాడుతూ జిల్లాలో సాగునీటి ప్రాజెక్టులు, చెరువులను పట్టించుకోని ప్రభుత్వం సాగునీటి దినోత్సవాల పేరిట సంబురాలు చేయడం విడ్డూరంగా ఉందన్నారు. నియోజకవర్గంలోని ఫాజుల్నగర్‌ ప్రాజెక్ట్, సూరమ్మ ప్రాజెక్ట్లను పూర్తి చేయకుండానే ఈ సంబురాలు ఏంటని ప్రశ్నించారు. నియోజకవర్గంలో పెండింగ్లో ఉన్న ప్రాజెక్టులను వెంటనే పూర్తి చేయాలని డిమాండ్ చేశారు.
లీడర్లు శ్రీనివాస్, స్వామి, కరుణాకర్, రాములు, రాజు, వేణు, ఎల్లయ్య పాల్గొన్నారు. రైతులు ఇబ్బందులు పడుతుంటే ఉత్సవాలా.. కథలాపూర్, వెలుగు: రైతులు ఇబ్బందులు పడుతుంటే సర్కార్దశాబ్ది ఉత్సవాలు జరుపుకోవడం సిగ్గుచేటని కాంగ్రెస్ మండల, బ్లాక్ అధ్యక్షులు కాయితి నాగరాజు, ఎండీ అజీమ్, పీసీసీ కార్యవర్గ సభ్యుడు తొట్ల అంజయ్య ఆరోపించారు. బుధవారం కథలాపూర్ మండలం కలికోట గ్రామంలో సూరమ్మ ప్రాజెక్ట్ వద్ద సర్కార్ తలపెట్టిన సాగునీటి దినోత్సవాన్ని వ్యతిరేకిస్తూ కాంగ్రెస్ఆధ్వర్యంలో నిరసన తెలిపారు. కార్యక్రమంలో లీడర్లు కల్లెడ గంగాధర్ , మార్కం రాజేశం, రాజేశ్ , శిరీష, అనిల్ ,రవి , దేవన్న పాల్గొన్నారు.
