కారేపల్లి,వెలుగు: వచ్చే ఎన్నికల్లో కాంగ్రెస్ ప్రభంజనాన్ని చూసి బీఆర్ఎస్ నాయకులు పారిపోవాల్సిందేనని కాంగ్రెస్ నేత పొంగులేటి శ్రీనివాసరెడ్డి అన్నారు. మండలంలోని భాగ్యనగర్తండాలో పలువురు కాంగ్రెస్లోకి చేరారు. ఈ సందర్భంగా నిర్వహించిన సమావేశంలో పొంగులేటి మాట్లాడారు. తెలంగాణ ఇచ్చిన కాంగ్రెస్ పార్టీని తెలంగాణలో అధికారంలోకి తెచ్చి సోనియా గాంధీకి గిఫ్ట్గా ఇచ్చేందుకు ప్రజలంతా సిద్దమయ్యారని, దీన్ని ఎవరూ ఆపలేరని అన్నారు.
బీఆర్ఎస్ ప్రభుత్వ హయాంలో పెట్టిన తప్పుడు కేసులన్నింటినీ వచ్చే కాంగ్రెస్ ప్రభుత్వం రద్దు చేస్తుందని, తప్పుడు కేసులు పెట్టిన వారిపై చర్యలు కూడా తీసుకుంటామని చెప్పారు. ఈ కార్యక్రమంలో ఎంపీటీసీ ఆళోత్ ఈశ్వరీనందరాజ్, నాయకులు బొర్రా రాజశేఖర్, బానోత్ విజయాభాయి, తలారి చంద్రప్రకాశ్, ఇమ్మడి తిరుపతిరావు పాల్గొన్నారు.
