- అసమ్మతి పేరుతో వదిలించుకునేందుకు అధికార పార్టీ కొత్త స్కెచ్
- అసమ్మతికి ఇన్‌‌‌‌‌‌‌‌డైరెక్ట్ గా హైకమాండ్ సమ్మతి!
- కన్ఫ్యూజన్‌‌‌‌‌‌‌‌లో దాసరి, పుట్ట మధు
- సేఫ్జోన్లో కోరుకంటి?
పెద్దపల్లి, వెలుగు: పెద్దపల్లి జిల్లాలో ఎమ్మెల్యే దాసరి మనోహర్రెడ్డి, మంథని నియోజకవర్గ ఇన్‌‌‌‌‌‌‌‌చార్జి పుట్ట మధుకు చెక్ పెట్టేందుకు బీఆర్ఎస్ హైకమాండ్ రెడీ అయినట్లు ప్రచారం జరుగుతోంది. వచ్చే ఎన్నికల్లో గెలవరని భావిస్తున్న వీరిని వదిలించుకునేందుకు హైకమాండ్ అసమ్మతిని ఎంకరేజ్చేస్తున్నట్లు తెలుస్తోంది. డైరెక్ట్‌‌‌‌‌‌‌‌గా తొలగిస్తే పార్టీలో విభేదాలు వస్తాయన్న ఆలోచనతో హైకమాండ్ ఈ ప్లాన్వేసినట్లు సమాచారం. అసమ్మతిని కంట్రోల్చేసేందుకు హైకమాండ్ఎలాంటి చర్యలు తీసుకోకపోవడం కూడా ఇన్డైరెక్ట్గా అసమ్మతిని ఎంకరేజ్ చేస్తున్నట్లు కనిపిస్తోంది. ఈ క్రమంలోనే పెద్దపల్లిలో ఎమ్మెల్యే దాసరి మనోహర్రెడ్డికి ఇంటిపోరు తప్పడం లేదు. అలాగే మంథనిలో నియోజకవర్గ ఇన్‌‌‌‌‌‌‌‌చార్జిగా ఉన్న పుట్ట మధు మీద ఏడాదిగా సోషల్మీడియాలో విమర్శలు కొనసాగుతున్నాయి. మరోవైపు ఇటీవల జరిగిన కార్యక్రమంలో రామగుండంపై మంత్రి కేటీఆర్ క్లారిటీ ఇచ్చినట్లు క్యాడర్ భావిస్తోంది. దీంతో సిట్టింగ్ఎమ్మెల్యే కోరుకంటి చందర్ వ్యతిరేక వర్గం సైలెంట్ అయినట్లు తెలుస్తోంది.
డేంజర్ జోన్‌‌‌‌‌‌‌‌లో దాసరి...
పెద్దపల్లి నియోజకవర్గంలో కొంతకాలంగా జరుగుతున్న పరిణామాలతో ఎమ్మెల్యే దాసరి మనోహర్రెడ్డి డేంజర్ జోన్‌‌‌‌‌‌‌‌లో ఉన్నట్లు తెలుస్తోంది. గతేడాది సీఎం కేసీఆర్ పెద్దపల్లి జిల్లాలో పర్యటనలో దాసరికి పెద్దగా ప్రయారిటీ ఇవ్వలేదన్న చర్చ జరిగింది. నాటి నుంచి నియోజకవర్గంలో దాసరిపై సొంత పార్టీ నేతలు ఆరోపణలు చేయడం మొదలుపెట్టారు. అలాగే ఇసుక, మట్టి అక్రమ రవాణాలో ఎమ్మెల్యే హ్యాండ్ ఉందని ప్రతిపక్షాలు ఆరోపిస్తున్నాయి. ఆ ఆరోపణలకు ఎమ్మెల్యే ఇప్పటిదాకా సరైన కౌంటర్ ఇయ్యలేకపోయారు. ఆ తర్వాత ఏర్పాటు చేసిన ఎమ్మెల్సీ భానుప్రసాదరావు సన్మానం, ఆత్మీయ సమ్మేళనాల్లోనూ ఎమ్మెల్సీ, ఎమ్మెల్యే మధ్య భేదాభిప్రాయాలు ఉన్నట్లు తెలిసింది. మరోవైపు ఇటీవల మున్సిపల్ మాజీ చైర్మన్ రాజయ్య ప్రెస్మీట్పెట్టి మరోసారి ఎమ్మెల్యే దాసరికి టిక్కెట్ఇస్తే సీటు వదులుకోవాల్సిందేనని, అదే జరిగితే ప్రగతిభవన్ ముందు నిరాహారదీక్ష చేస్తానని ప్రకటించారు. ఇటీవల పెద్దపల్లి మార్కెట్ కమిటీ చైర్మన్ నియామకంలో కూడా ఎమ్మెల్యే దాసరి మాట చెల్లుబాటు కాలేదని క్యాడర్‌‌‌‌‌‌‌‌‌‌‌‌‌‌‌‌లో చర్చ జరుగుతోంది. దాసరికి అత్యంత సన్నిహితుడైన పెద్దపల్లి పట్టణ అధ్యక్షుడు ఉప్పు రాజ్కుమార్కు చైర్మన్ పదవి ఇప్పించలేకపోయాడని మాట్లాడుకుంటున్నారు. దీంతో ఆయన కూడా పార్టీని వదిలేస్తానని ఓపెన్‌‌‌‌‌‌‌‌గానే ప్రకటించాడు. ఇంత జరుగుతున్నా హైకమాండ్ మాత్రం నోరు మెదపడం లేదు.
పుట్ట సెల్ఫ్గోల్ వేసుకుంటున్నడు...
బీఆర్ఎస్ పెద్దలు మంథని నియోజకవర్గం ఇన్‌‌‌‌‌‌‌‌చార్జి పుట్ట మధును మొదట్లో ఎంకరేజ్ చేశారు. 2018లో ఓడిపోయినా జడ్పీ చైర్మన్ కట్టబెట్టారు. ఆ తర్వాత జరిగిన పరిణామాలు మధును హైకమాండ్కు దూరం చేస్తూ వచ్చాయి. డబుల్మర్డర్ కేసు ఆరోపణలు ఆయనను ఇంకా వెంటాడుతూనే ఉన్నాయి. అలాగే పార్టీని వీడిన ఓ ప్రముఖ నాయకుడితో మధుకు ఇంకా సత్సంబంధాలు ఉన్నాయని, ఆయనను ఇప్పటికీ రహస్యంగా కలుస్తున్నారన్న ప్రచారం సాగుతోంది. దీంతో మధుకు పార్టీలో ప్రయారిటీ తగ్గుతోందని క్యాడర్చర్చించుకుంటున్నారు. అలాగే మధు దూకుడు నిర్ణయాలు కూడా ఆయనను ఇరుకున పడేసినట్లు తెలిసింది. నియోజకవర్గంలో మీటింగ్‌‌‌‌‌‌‌‌లు పెట్టి సొంత ఎజెండాను అమలుచేసేందుకు ప్రయత్నిస్తున్నారన్న ఆరోపణలున్నాయి. మరోవైపు బీఆర్ఎస్ టికెట్ రాదని తెలిసే బహుజనవాదం ఎత్తుకున్నారని సోషల్ మీడియాలో ప్రచారం జరుగుతోంది. అలాగే ఈ మధ్య మధు ఇంటర్వ్యూలు కూడా ఆయనను డిఫెన్స్లో పడేశాయి. పార్టీకి సంబంధించిన కార్యక్రమాల్లోనూ సీఎం కేసీఆర్, కేటీఆర్ ఫొటోలు, వారి గురించి ప్రస్తావించకపోవడం కూడా హైకమాండ్కు చేరింది. ఈ నేపథ్యంలో చల్లా నారాయణరెడ్డిని ఎంకరేజ్ చేస్తున్నారనే టాక్ వినపడుతుంది.
చందర్ టికెట్ కన్ఫామేనా?
రామగుండం ఎమ్మెల్యే సేఫ్ జోన్లోకి పోయినట్లే అని చందర్ వర్గీయులు ఆనందం వ్యక్తం చేస్తున్నారు. పెద్దపల్లి, మంథని నియోజకవర్గాల కంటే రామగుండం టిక్కెట్కోసం ఆశావహులు ఎక్కువే ఉన్నారు. ఎవరికి వారు టిక్కెట్ కోసం తీవ్ర ప్రయత్నాలు చేశారు. ఇటీవల రామగుండం పర్యటన సందర్భంగా ఏర్పాటు చేసిన సభలో మంత్రి కేటీఆర్ మాట్లాడుతూ, చందర్ ఉద్యమకారుడు, అభివృద్ధిని ఆకాంక్షించే నాయకుడని, ఆయనను నియోజకవర్గ ప్రజలు కాపాడుకోవాలన్నారు. దీన్ని బట్టి ఇన్డైరెక్ట్గా రామగుండం టికెట్ ఆయనకేనన్న సంకేతాలను కేటీఆర్ఇచ్చారు. దీంతో కొంతకాలంగా అసమ్మతిరాగం ఎత్తుకున్న కొందరు ఆశావహులు సైలెంట్అయ్యారు.
