యాదాద్రి, వెలుగు : కాంగ్రెస్ సర్కారుపై ప్రజల్లో అప్పుడే వ్యతిరేకత మొదలైందని మాజీ మంత్రి, సూర్యాపేట ఎమ్మెల్యే గుండకండ్ల జగదీశ్ రెడ్డి తెలిపారు. వరంగల్లో జరిగే బీఆర్ఎస్ రజతోత్సవ బహిరంగ సభను విజయవంతం చేయాలని వలిగొండలోని మత్స్యగిరి లక్ష్మీనర్సింహస్వామి ఆలయం నుంచి యాదగిరిగుట్ట వరకు బీఆర్ఎస్ విద్యార్థి, యువజన విభాగం ఆధ్వర్యంలో చేపట్టిన పాదయాత్రను ఆయన ప్రారంభించి మాట్లాడారు. ఎన్నికల ముందు కాంగ్రెస్ ఇచ్చిన హామీలను నమ్మిన ప్రజలు ఆ పార్టీని గెలిపించి, ఇప్పుడు మోసపోయామని గుర్తించారన్నారు.
కేసీఆర్ హయాంలో చేపట్టిన ప్రజా సంక్షేమ పథకాలను ప్రజలు గుర్తు చేసుకుంటున్నారని చెప్పారు. వరంగల్నిర్వహించే సభకు యాదాద్రి జిల్లా నుంచి భారీ ఎత్తున తరలి రావడానికి ప ప్రజలు సిద్ధంగా ఉన్నారని తెలిపారు. ఒక్కో నియోజకవర్గం నుంచి 30 వేల మందికి పైగా తరలించడానికి ప్రయత్నం చేస్తున్నామని వివరించారు. బహిరంగసభ తర్వాత రాష్ట్ర రాజకీయ ముఖచిత్రం మారిపోతుందని తెలిపారు. కార్యక్రమంలో మాజీ ఎమ్మెల్యేలు బూడిద భిక్షమయ్యగౌడ్, గాదరి కిశోర్కుమార్, పైళ్ల శేఖర్ రెడ్డి, డీసీసీబీ మాజీ చైర్మన్గొంగిడి మహేందర్ రెడ్డి యువజన విభాగం లీడర్లు పాల్గొన్నారు.
